FC Sports logo

ប្រដាល់


ប្រដាល់

រឿងចៅក្រមឱ្យ បូរ៉ា ចាញ់ វណ្ណថង មិនទាន់ស្ងប់ ស៊ន អេលីត ជាន់ថែម រឿងមិនឱ្យ សាន់ ជួប សម្បត្តិ នៅបាយ័ន ដោយថាសុទ្ធតែគ្នាគេ

7 ម៉ោងមុន
7 ម៉ោងមុន

រឿងចៅក្រមឱ្យ បូរ៉ា ចាញ់ វណ្ណថង មិនទាន់ស្ងប់ ស៊ន អេលីត ជាន់ថែម រឿងមិនឱ្យ សាន់ ជួប សម្បត្តិ នៅបាយ័ន ដោយថាសុទ្ធតែគ្នាគេ

ប្រដាល់
កន្លងមកគេធ្លាប់តែបានឃើញមហាជនអ្នកគាំទ្រគុនខ្មែរប៉ុណ្ណោះ ដែលហ៊ាននិយាយ ឬបញ្ចេញយោបល់ពាក់ព័ន្ធនឹងការដាក់ពិន្ទុមិនសុក្រិដ្ឋពីអង្គចៅក្រម ពោលគឺបើកីឡាករមកពីក្លិបមានខ្សែធំមានអាទិភាពខ្ពស់។ ស្រាប់តែនៅពេលនេះគ្រូគុនខ្មែរលោក ស៊ន អេលីត ចេញមុខហ៊ាននិយាយថា មិនឱ្យ អេលីត សាន់ ទៅប៉ះ ពេជ្រ សម្បត្តិ នៅសង្វៀនបាយ័នទេ ព្រោះនៅទីនោះសុទ្ធតែគ្នាគេ។    ភាពលម្អៀងនៃការដាក់ពិន្ទុរបស់អង្គចៅក្រមទាំង៥រូបសម្រាប់ការប្រកួតគុនខ្មែរ ដែលគ្មានសុក្រិដ្ឋភាព រមែងមានអ្នកតាមដានវិស័យមួយនេះលើកឡើងជារឿយៗ ហើយបញ្ហាមួយនេះវាស្ទើរតែក្លាយជាដំបៅមហារីកទៅហើយ ខណៈដែលការដាក់ពិន្ទុខ្វែងពីការមើលឃើញភ្នែកហាជន នៅតែបន្តកើតឡើង។ ជុំវិញរឿងរ៉ាវនេះគេបានឃើញអ្នកស្នេហាគុនខ្មែរ លើកឡើងជារឿយៗថា ចៅក្រមហាក់ផ្តោតខ្លាំងមើលតែឈ្មោះកីឡាករ ឬឈ្មោះក្លិប បើកីឡាករវាយប្រហាក់ប្រហែលគ្នា ដោយវាយមិនឈ្នះដាច់ គឺកាត់ក្ដីឲ្យចាញ់ ឬកាត់ក្ដីតាមអារម្មណ៍ខ្លួនឯង មិនគោរពតាមវិជ្ជាជីវៈចៅក្រម ដែលជាគណៈកម្មការនៃការប្រកួតឡើយ។  ជាក់ស្ដែងដូចជាករណីកីឡាករវាយដណ្ដើមផ្ទះវីឡានៅស្ថានីយទូរទស្សន៍ប៉ុស្តិ៍លេខ៥ កាលពីពេលថ្មីៗនេះ ត្រូវបានមហាជនលើកឡើងថា ហាក់មានភាពលម្អៀងខ្លាំង និងអយុត្តិធម៌សម្រាប់ ឃុន បូរ៉ា ក្នុងការសម្រេចឲ្យ ឈុត សេរីវណ្ណថង ឈ្នះការប្រកួតដោយពិន្ទុ។  ចេញមិនឆ្ងាយពីរឿងខាងលើស្រាប់តែថ្មីៗនេះលោក ស៊ន អេលីត គ្រូបង្វឹករបស់ក្លិបនាយកដ្ឋានអង្គរក្ស ក៏បានលើកឡើងផងដែរ ដោយលោកបាននិយាយចំៗនៅក្នុងវីដេអូ Live របស់លោករឿង ការផ្គូផ្គងរវាង អេលីត សាន់ និង ពេជ្រ សម្បត្តិ ថា «បើឲ្យខ្ញុំនាំ ទៅវាយនៅបាយ័នកន្លែងដែលគាត់ធ្វើការក៏ខ្ញុំអត់ទៅដែរ សុទ្ធតែគ្នាគាត់ហ្នឹង»។ សម្ដីនេះត្រូវបានគេចាប់អារម្មណ៍ឃើញថា ការឲ្យពិន្ទុនៅតែជាចំណុចស្ថិតក្នុងការបារម្ភ សម្រាប់កីឡាករដែលគ្មានខ្សែស្រឡាយ ដែលអាចបង្ហាញចេញថា ការកាត់ក្ដីមិនត្រូវបានស្ថិតក្នុងការសុចរិតយុត្តិធម៌ម៍១០០% នោះទេ។ ការលើកឡើងរបស់លោក ស៊ន អេលីត ខាងលើគេមិនទាន់បានឃើញមន្រ្តីសហព័ន្ធគុនខ្មែរ ចេញមុខប្រតិកម្ម ឬមានវិធាការអ្វីមួយទៅលើលោកគ្រូប្រដាល់គុនខ្មែររូបនេះនោះទេ ។ ប៉ុន្តែជុំវិញរឿងរ៉ាវកំហុសឆ្គងរបស់មន្រ្តីសហព័ន្ធគុនខ្មែរ លោក ហេង សុឃន ជាអនុប្រធានធ្លាប់បានប្រាប់មក Lee News ដែរថា ចំណុចនេះសហព័ន្ធបានធ្វើច្បាប់ និងបោះពុម្ភជាសៀវភៅចែកជូនដល់មន្រ្តីរបស់សហព័ន្ធរួចរាល់ហើយ ច្បាប់នោះក៏បានមានលក្ខខណ្ឌក្នុងការដាក់ពិន័យ ចំពោះចៅក្រម ឬអាជ្ញាកណ្តាលដែលបានធ្វើខុសផងដែរ៕...
ប្រដាល់

មកដឹងប្រាក់រង្វាន់បើសិន អ៊ូច ធារិទ្ធ ឈ្នះការប្រកួតអត់ពាក់ហ្គង់នៅសង្វៀន BK FC ប្រទេសថៃ

8 ម៉ោងមុន
8 ម៉ោងមុន

មកដឹងប្រាក់រង្វាន់បើសិន អ៊ូច ធារិទ្ធ ឈ្នះការប្រកួតអត់ពាក់ហ្គង់នៅសង្វៀន BK FC ប្រទេសថៃ

ប្រដាល់
ជើងខ្លាំងក្នុងប្រភេទទម្ងន់៦០គីឡូក្រាម អ៊ូច ធារិទ្ធ នឹងធ្វើការប្រកួតទល់កីឡាកររបស់ប្រទេសឥណ្ឌា Anubhav Kumar Verma នាថ្ងៃទី១០ ខែធ្នូ ឆ្នាំ២០២២ វេលាម៉ោង៤រសៀល នៅលើទឹកដីថៃ ក្នុងកម្មវិធី BK FC ដោយវាយលក្ខណៈសកល៥ទឹក ដោយមិនពាក់ហ្គង់។      បើតាមសម្ដីរបស់កីឡាករកម្ពុជា អ៊ួច ធារិទ្ធ ដែលកំពុងស្ថិតនៅលើទឹកដីថៃបានឲ្យដឹងថា « កម្មវិធីនេះល្អគេមានប្រាក់រង្វាន់លើកទឹកចិត្តច្រើន ឮគេប្រាប់ខ្ញុំថា បើសិនឈ្នះដៃគូដោយពិន្ទុទទួលបានរង្វាន់ប្រាក់រង្វាន់បន្ថែមពីលើប្រាក់តម្លៃខ្លួនចំនួន ៤៥០ ដុល្លារ ជាងនេះទៅទៀតបើសិនយើងឈ្នះ ដោយផ្ដួលដៃគូឲ្យសន្លប់ អាហ្នឹងយើងទទួលបាន ២៥០ បន្ថែមទៀត ចឹងមានន័យថា យើងឈ្នះពិន្ទុបានបន្ថែមពីលើតម្លៃខ្លួន ៤៥០ និងឈ្នះដោយផ្ដួលដៃគូឲ្យសន្លប់យើងទទួលបាន៧០០ដុល្លារបន្ថែមពីលើតម្លៃខ្លួន។ ក្រៅពីហ្នឹងគេមានប្រាក់រង្វាន់សម្រាប់គូជក់ចិត្តទៀតបង តែខ្ញុំអត់ច្បាស់ថាបានប៉ុន្មាន...»។  កីឡាករដដែលបន្ថែម សម្រាប់សមត្ថភាពដៃគូរូបនេះគេមិនបានដឹងច្រើនឡើយ គ្រាន់តែគ្រូបានប្រាប់គេថា កីឡាករ Anubhav Kumar Verma ធ្លាប់ប្រលូកក្នុងកម្មវិធី ONE Championships ។ សម្រាប់ការប្រកួតបែបដៃទទេនេះវិញ កីឡាករកម្ពុជាប្រាប់ថា មិនធ្លាប់ទាល់តែសោះ ពោលគឺជាលើកទី១តែម្តង។    ដោយសារជាការប្រកួតលើកទី១ និងវាយមិនពាក់ហ្គង់ផងនោះ អ៊ួច ធារិទ្ធ យល់ថា មិនហ៊ានវាយដោយប្រើកម្លាំងកាយអស់ពីខ្លួនឡើយ ព្រោះខ្លាចមានគ្រោះថ្នាក់ដូចជាបាក់ម្រាមដៃ ឬមានរបួសផ្សេងជាដើម។ ក្រៅពី ធារិទ្ធ គេឃើញមានកីឡាករកម្ពុជាម្នាក់ទៀតក៏ទៅប្រកួតក្នុងកម្មវិធីនោះដែរគឺ ជ័រ ពៅ៕   ...
ប្រដាល់

លោក ហ៊ុន ចន្ទ័រាជ្យ ចង់ជួយ សុខ ធី នាំមកកាន់ទឹកដីខ្មែរវិញ សូមទោសថ្នាក់ដឹកនាំ ដើម្បីបានឱកាសជាថ្មី ព្រោះស្តាយសមត្ថភាព ជើងខ្លាំងរូបនេះ

មួយថ្ងៃមុន
មួយថ្ងៃមុន

លោក ហ៊ុន ចន្ទ័រាជ្យ ចង់ជួយ សុខ ធី នាំមកកាន់ទឹកដីខ្មែរវិញ សូមទោសថ្នាក់ដឹកនាំ ដើម្បីបានឱកាសជាថ្មី ព្រោះស្តាយសមត្ថភាព ជើងខ្លាំងរូបនេះ

ប្រដាល់
លោក ហ៊ុន ច័ន្ទរាជ្យ បានបង្ហើបពីបំណងចង់ជួយដល់ សុខ ធី ជុំវិញរឿងដែលជើងខ្លាំងមានដើមកំណើតនៅខេត្តបន្ទាយមានជ័យរូបនេះ កំពុងជាប់ឃុំនៅលើទឹកដីថៃ ពីបទប្រើប្រាស់គ្រឿងញៀនកាលពីពេលថ្មីៗនេះ។    បើតាមការបញ្ជាក់របស់គ្រូបង្វឹកក្លិប Cambodia Top Team បានប្រាប់មកកាន់ Lee News ថា « ខ្ញុំពិតជាចង់ជួយ សុខ ធី ណាស់ ព្រោះគាត់ដូចជាប្អូនរបស់ខ្ញុំចឹង។ ខ្ញុំបានទាក់ទងទៅកាន់សិស្សរបស់ខ្ញុំម្នាក់ដែលកំពុងនៅទីនោះ សិស្សរបស់ខ្ញុំបានប្រាប់ថា នៅខាងថៃគេមានច្បាប់ឃុំខ្លួន សុខ ធី ៤ ខែ ទើបគេអនុញ្ញាតឲ្យយើងចូលទៅដោះស្រាយ។ ដូច្នេះមានន័យថា ពេលនេះយើងមិនទាន់ធ្វើអ្វីបានទាំងអស់ ត្រូវរង់ចាំរយៈពេល៤ខែនៃការឃុំខ្លួនសិន»។  លោកបន្ថែមថា បើសិនរឿងនៅថៃដោះស្រាយចប់ក្រោយពេល៤ខែនោះ លោកចង់នាំយក សុខ ធី មកវាយនៅខ្មែរវិញ ដោយលោកមានគម្រោងស្នើសុំថ្នាក់ដឹកនាំឲ្យមានការអនុគ្រោះសម្រាប់ សុខ ធី បើអាចលោកចង់នាំយកកីឡាកររូបនេះ ទៅសូមទោសថ្នាក់ដឹកនាំដោយផ្ទាល់ ដើម្បីនាំយករូបគេមកកាន់ទឹកដីកម្ពុជាវិញ។  យ៉ាងណាគ្រូបង្វឹកក្នុងក្លិបខាងលើបានលើកឡើងទៀតថា ពិតជាស្ដាយសមត្ថភាពរបស់ សុខ ធី ខ្លាំងមែនទែន ព្រោះកីឡាករកម្ពុជារូបនេះ មានឈ្មោះល្បីនៅលើទឹកដីថៃ ពិសេសនោះគេក៏អាចក្លាយជាកីឡាករល្អម្នាក់របស់កម្ពុជាដែរ ប្រសិនបើកែប្រែចំណុចខ្វះខាតផ្នែកចំណេះដឹង ពិសេសគឺបញ្ហាដែលបានកើតឡើងកន្លងមក។  គួររម្លឹកថា សុខ ធី ហៅ កាកា ត្រូវបានមន្រ្តីតម្រួតរបស់ ថៃ ចាប់ខ្លួនពីបទប្រើប្រាស់គ្រឿងញៀន កាលពីយប់ថ្ងៃទី២៩ ខែវិច្ឆិកា ឆ្នាំ២០២២ នៅលើទឹកដីថៃ បន្ទាប់ពីឆែកលើខ្លួនកីឡាកររូបនេះមានថ្នាំញៀនចំនួន៥គ្រាប់។ ចំពោះរឿងដែល សុខ ធី មិនអាចមកប្រកួតនៅខ្មែរនោះ គេនៅចាំបានថា កាលពីឆ្នាំ២០១៨ កីឡាករខាងលើធ្លាប់មានការប្ដឹងតវ៉ាចំពោះលទ្ធផលនៃការប្រកួតមួយ នៅ សង្វៀន CNC  ហើយ គេបានប្រកាសថា បើការប្ដឹងតវ៉ាក្ដីនេះចាញ់ គេនឹងមិនមកប្រកួតនៅខ្មែរទៀតទេ។ យ៉ាងណារឿងនេះវាបានកន្លងផុតទៅច្រើនឆ្នាំហើយដែរ ខណៈដែលពេលនេះគេក៏មិនទាន់ច្បាស់ថា តើករណីរបស់ សុខ ធី នេះបានចេញពីមន្ទីរឃុំឃាំងនៅពេលណាដែរ៕...
ប្រដាល់

ប៊ុន សុធា ទៅប៉ះម្ចាស់ខ្សែវ៉ាត់ ថៃ នៅសង្វៀន លុម្ភីនី អ្នកគាំទ្រចង់ឱ្យវ៉ៃកាចដូចនៅខ្មែរ តែរូបគេឆ្លើយថា ខ្លាចតែ ថៃ មិនហ៊ានបុក… 

2 ថ្ងៃមុន
2 ថ្ងៃមុន

ប៊ុន សុធា ទៅប៉ះម្ចាស់ខ្សែវ៉ាត់ ថៃ នៅសង្វៀន លុម្ភីនី អ្នកគាំទ្រចង់ឱ្យវ៉ៃកាចដូចនៅខ្មែរ តែរូបគេឆ្លើយថា ខ្លាចតែ ថៃ មិនហ៊ានបុក… 

ប្រដាល់
អ្នកលេងគុនខ្មែរចិត្តសឿងសម្រុកបុកគ្មានមេត្តា ប៊ុន សុធា នឹងទៅវាយនៅលើទឹកដីថៃប៉ះដៃគូ SANGTIAN នៅសង្វៀន លុម្ភីនី ថ្ងៃទី១៣ ខែធ្នូ ឆ្នាំ២០២២ ចាប់ពីម៉ោង៨យប់តទៅ ដោយវាយលក្ខណៈ៣ទឹក។ ក្នុងការចេញទៅវាយនៅលើទឹកដីថៃលើកនេះ ប្រិយមិត្តអ្នកគាំទ្រគុនខ្មែរមួយចំនួនធំ ចង់ឃើញការប្រកួតរបស់ម្ចាស់ខ្សែក្រវាត់៣គ្រឿងវាយឲ្យកាចដូចនៅខ្មែរ ខណៈកីឡាករផ្ទាល់បានឆ្លើយថា « ធានាជូនម៉ាពេញចិត្ត »។  សិស្សគុនខ្មែររបស់ក្លិបក្រសួងការពារជាតិខាងលើបានឲ្យដឹងថា «…សម្រាប់ខ្ញុំឡើងទៅ ដឹងតែវ៉ៃហើយបង និយាយទៅគឺម៉ាឆ្ងាញ់ហ្មង...។សម្រាប់ខ្ញុំចូលចិត្តបំផុតចំពោះដៃគូដែលវាយទៅ-វាយមក គឺម៉ាំងទៅម៉ាំងមក ខ្ញុំខ្លាចតែដៃគូថយទេបង បើគេថយអាហ្នឹងខ្ញុំពិបាកដែរ ព្រោះបើយើងបុកតែគេថយក៏មិនល្អមើលដែរ»។  កូនអ្នកកំពង់ចាមរូបនេះបន្ថែមថា ដៃគូថៃខាងលើខ្លួនមិនទាន់បានមើលវីដេអូឃើញសមត្ថភាពប្រកួតរបស់គេទេ គ្រាន់តែអ្នកផ្គូផ្គងប្រាប់មកខ្លួនថា ថៃនោះគេល្អគ្រប់យ៉ាង ថែមទាំងជាម្ចាស់ខ្សែក្រវាត់ថែមទៀតផង។  ផ្អែកលើសម្ដីរបស់ជើងខ្លាំងក្នុងប្រភេទទម្ងន់ ៥៤ គីឡូក្រាម ប៊ុន សុធា ពិតណាស់ថា ជំនួបរវាងគេ និងកីឡាករថៃ ពិតជាជក់ចិត្ត ហើយអ្វីដែលរឹតតែពិសេសនោះកីឡាករកម្ពុជាត្រូវបានគេស្គាល់យ៉ាងច្បាស់ពីបច្ចេកទេសក្នុងការវាយសម្រុកមិនចេះដកដៃ។  គួររម្លឹកថា ប្រកួតចុងក្រោយរបស់ ប៊ុន សុធា គឺបានយកឈ្នះកីឡាករថៃ ភេតថូ ឆឆាំពាន ដោយការទាត់ជើងក្រោមផ្ទួនៗរហូតអាជ្ញាកណ្ដាលបញ្ឈប់ត្រឹមទឹក២ សម្រាប់ការប្រកួតមិត្តភាពកម្ពុជា-ថៃ របស់ស្ថានីយទូរទស្សន៍ជាតិកម្ពុជា ទទក សង្វៀន គ្រុឌគុនខ្មែរ កាលពីថ្ងៃទី៤ ខែធ្នូ ឆ្នាំ២០២២កន្លងទៅថ្មីៗនេះ៕    ...
ប្រដាល់

បឺត សង្ឃឹម ថា អេលីត សាន់ ជាគូប្រជែងខ្សែក្រវាត់ដ៏សំខាន់ តែក៏ដឹងពីយុទ្ធសាស្ត្រក្នុងការទប់ទល់ដែរ

2 ថ្ងៃមុន
2 ថ្ងៃមុន

បឺត សង្ឃឹម ថា អេលីត សាន់ ជាគូប្រជែងខ្សែក្រវាត់ដ៏សំខាន់ តែក៏ដឹងពីយុទ្ធសាស្ត្រក្នុងការទប់ទល់ដែរ

ប្រដាល់
ជើងខ្លាំងល្អក្បាច់ បឺត សង្ឃឹម បានឡើងទៅកាន់ជុំទី២ ខណៈ គីងកុង អេលីត សាន់ ក៏បានឡើងទៅកាន់ជុំទី២ដូចគ្នា នៃកម្មវិធីដណ្ដើមខ្សែក្រវាត់ Wurkz ប្រដាល់គុនខ្មែររដូវកាលទី២លើទម្ងន់៦០គីឡូក្រាមរបស់ទូរទស្សន៍ ថោន ។  កម្មវិធីប្រកួតជម្រុះជុំ២៤នាក់ក្នុងសប្ដាហ៍ទី១ នៃព្រឹត្តិការណ៍ខាងលើបានបញ្ចប់កាលពីថ្ងៃទី៣ ខែធ្នូ ឆ្នាំ២០២២ ខណៈ ដែល បឺត សង្ឃឹម បានយកឈ្នះ សេន កុសល់ ស្របពេល អេលីត សាន់ ឈ្នះ លាភ សំណាង ។ ជ័យជម្នះរបស់អ្នកទាំងពីរធ្វើឲ្យពួកគេបានឡើងទៅកាន់ ជុំ១២នាក់ចុងក្រោយដូចគ្នា ខណៈអ្នកទាំងពីរមិនទាន់ដឹងថា នឹងប៉ះកីឡាកររូបណានោះឡើយ នៅជុំទី២នេះ ប៉ុន្តែ បឺត សង្ឃឹម សម្លឹងឃើញថា អាលីត សាន់ ជាគូរប្រជែងដែលខ្លួនត្រូវតែបារម្ភ។  ឆ្លើយជាមួយ Lee News សិស្សរបស់ បឺត ខាំ ខាងលើបាននិយាយថា « បាទបទខ្ញុំយល់ថា អេលីត សាន់ នេះមិនជាស្រួល ក៏មិនលំបាកពេកដែរ និយាយទៅម៉ាល្មមដែលយើងអាចប្រកួតបាន។ ខ្ញុំឃើញចំណុចដែលត្រូវបារម្ភខ្លាំងបើប៉ះគាត់ សម្រាប់ អេលីត សាន់ មានតែដៃ ព្រោះថាដៃគាត់ធ្ងន់ ចឹងដើម្បីហាត់ទប់ដៃគាត់ យើងមានតែហាត់ទប់ទម្ងន់ដៃគេ ហាត់កម្លាំងស៊ូសឲ្យពេញល្អ និងបច្ចេកទេសកាត់ចង្វាក់នៃការវាយកណ្ដាប់ដៃរបស់ អេលីត សាន់ ជាដើម»។  គួររម្លឹកថា សម្រាប់ បឺត សង្ឃឹម និង អេលីត សាន់ ត្រូវបានមហាជនមើលឃើញថា ជាជើងខ្លាំង ដែលអាចនឹងក្លាយជាម្ចាស់ខ្សែក្រវាត់ Wurkz ប្រដាល់គុនខ្មែររដូវកាលទី២ដូចគ្នា ខណៈ វ៉ាន់ វឿន  និង សូត្រ វាសនា សុទ្ធតែជាកីឡាករលេចធ្លោខ្លាំង និងល្អៗផងដែរ៕ ...
ប្រដាល់

ពេជ្រ ប៊ុនសិទ្ធ សុំទោសអ្នកគាំទ្រ ដែលចាញ់ ថៃ ពីរថ្ងៃមុន តែចិញ្ចឹមចិត្តចង់ជួបសងសឹក នៅសង្វៀន ទទក 

3 ថ្ងៃមុន
3 ថ្ងៃមុន

ពេជ្រ ប៊ុនសិទ្ធ សុំទោសអ្នកគាំទ្រ ដែលចាញ់ ថៃ ពីរថ្ងៃមុន តែចិញ្ចឹមចិត្តចង់ជួបសងសឹក នៅសង្វៀន ទទក 

ប្រដាល់
ទោះការចាញ់ថៃ យ៉មផុន គ្រូដានយ៉ីម ដោយពិន្ទុនៅក្នុងកម្មវិធី គ្រុឌគុនខ្មែរ បានកន្លងផុតទៅពីរថ្ងៃហើយក្តី តែដំរីយោលដៃ ពេជ្រ ប៊ុនសិទ្ធ ក៏នៅមិនអស់ចិត្ត និងបានធ្វើការសុំទោសអ្នកគាំទ្ររបស់ខ្លួន សម្រាប់ចំណុចខ្វះខាតដែលខ្លួនបានសាងក្នុងការប្រកួតមួយនេះ។    ជើងខ្លាំងរបស់កម្ពុជាខាងលើបាននិយាយថា «…ខ្ញុំពិតជាសុំទោសអ្នកគាំទ្រសម្រាប់លទ្ធផលចាញ់នេះ ហើយខ្ញុំពិតជាសុំទោសចេញពីចិត្តនូវកំហុសរបស់ខ្ញុំ ដែលការហ្វឹកហាត់មិនបានពេញលេញ ការប្រកួតនោះខ្ញុំហាត់បានតិចមែនទែន គឺបុកហាត់ខ្លាំងត្រឹម២-៣ថ្ងៃហ្នឹង ដូច្នេះខ្ញុំពិតជាសុំទោសមែន។ យ៉ាងណាខ្ញុំបានព្យាយាមបុកដែរតែធ្វើម៉េចគេល្អដែរ»។  ក្រោយការចាញ់មិនអស់ចិត្តនេះហើយទើបធ្វើឲ្យ ពេជ្រ ប៊ុនសិទ្ធ ចិញ្ចឹមចិត្តចង់ប៉ះកីឡាករថៃខាងលើម្ដងទៀត ដើម្បីជំរះមន្ទិលក្នុងចិត្ត។ គេជឿថាបើសិនបានប៉ះលើកក្រោយទៀតមែន ខ្លួននឹងប្រឹងប្រែងហ្វឹកហាត់ធ្វើឲ្យបានល្អជាងនេះ ពិសេសមិនឲ្យអស់ស៊ូសដូចការប្រកួតទល់ យ៉មផុន លើកទី១នេះទេ។  គួររម្លឹកថា ការប្រកួតនេះត្រូវបានគេមើលឃើញថា ពេជ្រ ប៊ុនសិទ្ធ បានព្យាយាមបុកចូល៥ទឹកពេញ ខណៈកីឡាករ ថៃ បានព្យាមថយដោយប្រើក្បាច់ទាត់កាត់មួយទាត់ពេញៗ ចុងក្រោយបញ្ចប់៥ទឹកគឺចៅក្រមបានកាត់ក្ដីឲ្យ ពេជ្រ ប៊ុនសិទ្ធ ចាញ់ដោយមិនអស់ចិត្ត៕   ...
ប្រដាល់

មុនឡើងវ៉ៃ ថៃធ្វើស៊ីទម្ងន់ លន បញ្ញា ជាង២គីឡូម្តង ដល់ពេលវ៉ៃ ថៃសន្លប់ រង្វាន់១សែនបាត គេឱ្យតែ១ម៉ឺនបាត នេះឬល្បិចកាប់ដាវរបស់ ថៃ ?

4 ថ្ងៃមុន
4 ថ្ងៃមុន

មុនឡើងវ៉ៃ ថៃធ្វើស៊ីទម្ងន់ លន បញ្ញា ជាង២គីឡូម្តង ដល់ពេលវ៉ៃ ថៃសន្លប់ រង្វាន់១សែនបាត គេឱ្យតែ១ម៉ឺនបាត នេះឬល្បិចកាប់ដាវរបស់ ថៃ ?

ប្រដាល់
ថ្មីៗនេះ Lee News ទើបតែចេញផ្សាយ ពីល្បិចរបស់ភាគី ថៃ តែងរៀបចំប្រើល្បិចកាប់ដាវធ្វើស៊ីមកលើកីឡាករខ្មែរពាក់ព័ន្ធរឿងធ្វើគីឡូ និងការចាប់គូម្តងរួចមកហើយ ស្រាប់តែនៅពេលនេះ កីឡាករ លន បញ្ញា ទទួលរងថ្មបាក់នូវរូបភាពនេះជាថ្មី ដោយថៃ បានឱ្យកីឡាករខ្មែរសម្រកតាមគោលការរបស់គេ តែពេលវ៉ៃ គេប្តូរមកវ៉ៃគីឡូ៦៥វិញ ធ្វើឱ្យយើងចាញ់ទម្ងន់គេជាង២គីឡូណោះ។ ជាមួយគ្នានោះរឿងប្រាក់រង្វាន់១សែនបាត ក៏ត្រូវគេធ្វើស៊ីមួយជាន់ទៀត។    កីឡាករជម្រើសជាតិជើងខ្លាំងរបស់កម្ពុជា លន បញ្ញា បានទៅប្រកួតក្នុងកម្មវិធី Mas Fight Bangkok នៅប្រទេសថៃ កាលពីថ្ងៃទី៣ ខែធ្នូ ឆ្នាំ២០២២ ។ ក្នុងការប្រកួតនោះកីឡាករកម្ពុជាបានផ្ដួលកីឡាករថៃឲ្យសន្លប់ ។ ក្រោយពេលផ្ដួលដៃគូកីឡាករកម្ពុជាត្រូវទទួលប្រាក់រង្វាន់ ប៉ុន្តែការទទួលប្រាក់រង្វាន់នោះ ហាក់មានភាពមិនប្រក្រតី ដោយសារតែ Ring Girl បានលើកស្លាកដែលមានទឹកប្រាក់១០ម៉ឺនបាត តែពិធីករ បែជាប្រកាសថា ទទួលបាន១ម៉ឺនបាត ឬគិតជាលុយខ្មែរជាង១លានរៀលទៅវិញ។ ក្រោយពេលមើលឃើញមានបញ្ហាប្រមូរទ័រដែលនាំ លន បញ្ញា ទៅប្រកួត និងកីឡាករបានទៅធ្វើការសាកសួរបន្ថែម ប៉ុន្តែខាងភាគីថៃបានប្រាប់មកកាន់ខាងកម្ពុជាថា គឺប្រាក់រង្វាន់សម្រាប់កម្មវិធីនេះមានត្រឹម១ម៉ឺនបាតទេ។  ជុំវិញរឿងនេះម្ចាស់មេដាយប្រាក់ ស៊ីហ្គេម ឆ្នាំ២០២២ បានប្រាប់ផ្ទាល់មកកាន់ Lee News ថា «បាទបង! កម្មវិធីហ្នឹងខ្ញុំធ្លាប់តាមដាន បើយើងវ៉ៃគេឲ្យសន្លប់ឬបោះបង់ការប្រកួតគឺទទួលបាន១សែនបាត ហើយអ្នកនាំខ្ញុំមកគេក៏ប្រាប់ខ្ញុំថាចឹងដែរបង។ គេឲ្យយើង១ម៉ឺនបាតហ្នឹង គឺគេមិនចង់ឲ្យយើងតែម្ដងហ្នឹងបង។ និយាយទៅគេឲ្យយើងតែ១ម៉ឺនបាទហ្នឹង ហើយគិតជាលុយខ្មែរប្រហែលជាជិត១លាន៣សែនរៀលទេបង»។  គួរបញ្ជាក់ថា សម្រាប់ការប្រកួតរវាង លន បញ្ញា និងកីឡាករថៃ ត្រូវបានគេដឹងថា ហាក់មិនប្រក្រតីតាំងពីពេលថ្លឹងទម្ងន់ ពោលអ្នករៀបចំកម្មវិធីរបស់ថៃបានប្រាប់ឲ្យ លន បញ្ញា សម្រកវ៉ៃក្នុងប្រភេទទម្ងន់៦៣គីឡូក្រាម លុះដល់កីឡាករកម្ពុជាសម្រកនៅត្រឹម៦២,៦គីឡូក្រាម បែរជាខាងថៃប្រាប់ថា វ៉ៃក្នុងប្រភេទទម្ងន់ ៦៥ គីឡូក្រាមវិញ ហើយកីឡាករថៃនោះពេលថ្លឹងទម្ងន់មានរហូតដល់ ៦៤,៧ គីឡូក្រាម គឺលើសទម្ងន់កីឡាករកម្ពុជា២,១គីឡូក្រាម។ នេះបង្ហាញឲ្យឃើញយ៉ាងច្បាស់ពីទង្វើ និងល្បិចកេងចំណេញលើកីឡាករកម្ពុជាយ៉ាងស្ដែងៗ ដែលនាំឲ្យកីឡាករកម្ពុជាត្រូវតែប្រយ័ត្នសម្រាប់ការប្រកួតក្រោយៗ គួរដឹងពីល្បិចរបស់ថៃ។  កម្មវិធី Bas Fight Bangkok កីឡាករកម្ពុជាមិនមែនតែ លន បញ្ញា ម្នាក់ទេដែលបានទៅវាយនៅក្នុងកម្មវិធីនេះ គឺកន្លងមកមាន សូដា សុជាតិ និង លាភ រដ្ឋា ក៏ធ្លាប់បានទៅវាយដែរ គ្រាន់តែកីឡាករកម្ពុជាទាំងពីរនាក់នេះសុទ្ធតែចាញ់ការប្រកួតនោះ ខណៈ លន បញ្ញា ជាកីឡាករកម្ពុជាទី១ ដែលឈ្នះដៃគូវាយថៃឲ្យសន្លប់៕   ...
ប្រដាល់

ប៊ុន សុធា មើលឃើញថា ថៃយប់មិញបើផ្ដួលមិនបានទេ អាចយ៉ាប់នៅទឹក៤ឬទឹក៥

4 ថ្ងៃមុន
4 ថ្ងៃមុន

ប៊ុន សុធា មើលឃើញថា ថៃយប់មិញបើផ្ដួលមិនបានទេ អាចយ៉ាប់នៅទឹក៤ឬទឹក៥

ប្រដាល់
ប៊ុន សុធា ជើងខ្លាំងរបស់ក្លិបក្រសួងការពារជាតិបានយកឈ្នះកីឡាករថៃ ភេតថូ ឆឆាំពាន ដោយការទាត់ជើងក្រោមរហូតអាជ្ញាកណ្ដាលបញ្ឈប់ត្រឹមទឹក២ សម្រាប់ការប្រកួតមិត្តភាពកម្ពុជាថៃ របស់ស្ថានីយទូរទស្សន៍ជាតិកម្ពុជា ទទក សង្វៀន គ្រុឌគុនខ្មែរ កាលពីថ្ងៃទី៤ ខែធ្នូ ឆ្នាំ២០២២ ម្សិលមិញនេះ។    កីឡាករមានដើមកំណើតមកពីខេត្តកំពង់ចាមរូបនេះបានឲ្យដឹងថា រូបគេមិនដែលតាមដានការប្រកួតរបស់ ភេតថូ ទេពីមុនមក គ្រាន់តែការស្ទាបស្ទង់សមត្ថភាពទៅឃើញថា បើខ្លួនមិនអាចផ្ដួលថៃរូបនេះបានត្រឹមទឹកទី២ទេ នឹងអាចពិបាកនៅពេលឈានដល់ទឹកទី ៤ ឬទី៥។ សមត្ថភាពរបស់ ភេតថូ ធ្វើឲ្យ សុធា យល់ឃើញថា ល្អគ្រប់ក្បាច់ ពិសេសគឺការកាត់ចង្វាក់នៃការវាយរបស់គេ។  កីឡាករកម្ពុជាបាននិយាយថា « ខ្ញុំមើលឃើញថា ភេតថូ គាត់ល្អបង ដៃគូខ្ញុំហ្នឹងគាត់ធ្ងន់ ហើយវាយកាត់ល្អបង។ ខ្ញុំគិតថា បើសិនខ្ញុំមិនអាចផ្ដួលថៃរូបនោះបាននៅទឹកទី២នោះទេ ខ្ញុំនឹងពិបាកពិសេសពិន្ទុបើឈ្នះចាញ់ នឹងពិបាកកាត់ក្ដីមិនខាន។ ខ្ញុំទាត់ជើងគាត់ទៅខ្ញុំឃើញថា គាត់ឈឺតាំងពីទឹកទី១មកបង ចឹងហើយទើបខ្ញុំព្យាយាមទាត់ជើងគាត់បន្ថែមហ្នឹង។ … មិនខុសអ្វីពីការគិតរបស់ខ្ញុំមែនគឺគាត់ខូចជើង»។    គួររម្លឹកថា ការប្រកួតសង្វៀន គ្រុឌគុនខ្មែរ របស់ស្ថានីយទូរទស្សន៍ជាតិកម្ពុជាជាសង្វៀនទី២របស់ទូរទស្សន៍មួយនេះ ដោយសង្វៀននេះទទួលបានការឧបត្ថម្ភផ្ដាច់មុខដោយក្រុមហ៊ុន Vattanc Brewery ៕   ...
ប្រដាល់

អេលីត ប៊ុនតុង សារភាពថាខ្លួនបុកអស់ក្បាច់ហើយ តែផ្ដួលថៃនេះមិនបាន

6 ថ្ងៃមុន
6 ថ្ងៃមុន

អេលីត ប៊ុនតុង សារភាពថាខ្លួនបុកអស់ក្បាច់ហើយ តែផ្ដួលថៃនេះមិនបាន

ប្រដាល់
អេលីត ប៊ុនតុង បានយកឈ្នះកីឡាករថៃ សាំងហ្វា ដោយពិន្ទុ បន្ទាប់ពីប្រកួតគ្នាអស់៥ទឹកពេញកាលពីល្ងាចថ្ងៃទី១ ខែធ្នូ ឆ្នាំ២០២២ នៅសង្វៀន TVK Fighter ។ ក្រោយការប្រកួតកីឡាករកម្ពុជាបានប្រាប់មកកាន់ Lee News ថា ខ្លួនបានប្រឹងអស់លទ្ធភាពហើយនៅតែមិនអាចផ្ដួលថៃរូបនេះបាន។  កីឡាករ ៥១គីឡូក្រាមខាងលើបានឲ្យដឹងថា «បាទបង! សម្រាប់ខ្ញុំគិតមើលសមត្ថភាពខ្ញុំមិនអាចផ្តួលគាត់ឲ្យសន្លប់បានទេ ព្រោះអីគាត់ល្អ ណាមួយខ្ញុំគិតថា ទម្ងន់នៃអាវុធរបស់ខ្ញុំស្រាល ដូច្នេះមិនអាចផ្ដួលគាត់ទេ។ សម្រាប់ជំនួបនេះខ្ញុំបានប្រឹងអស់ក្បាច់វាយហើយ មិនអាចផ្ដួលគាត់បាន ដោយសារតែគាត់វ៉ៃឆ្លាត»។  កីឡាករដដែលបន្ថែមថា សម្រាប់ជំនួបនេះខ្លួនបានប្រឹងប្រែងអស់កម្លាំងពីខ្លួនតែម្ដង ខណៈការហ្វឹកហាត់វិញក៏គ្រប់គ្រាន់ដែរ។ យ៉ាងណាការប្រកួតអន្តរជាតិលើកទី២ នេះទោះទទួលបានជ័យជម្នះ តែហាក់មិនសប្បាយចិត្តទេ ព្រោះធ្វើមិនសូវបានល្អ។  គួររម្លឹកថា អេលីត ប៊ុនតុង ជាកីឡាករដែលទើបឆ្លងកាត់ការប្រកួតអន្តរជាតិបានចំនួន២លើកប៉ុណ្ណោះ ខណៈកាលប្រកួតអន្តរជាតិលើកទី១គេបានផ្ដួលដៃគូថៃឲ្យសន្លប់ បច្ចុប្បន្នកីឡាកររូបនេះបានឈានចូលវ័យ១៧ឆ្នាំហើយ ដោយឆ្លងកាត់ការប្រកួតលើសង្វៀនចំនួន៣៩ ដងឈ្នះ ២៣ ស្មើ៣ ចាញ់១៣។...
ប្រដាល់

សាំនឹងរឿងផ្តួលថៃមួយប្រាវសន្លប់ៗ ព្រំ សំណាង ថា ជិតលាឈប់ពីគុនខ្មែរហើយ តែមិនដឹងពេលណាបានជួបជើងខ្លាំង 

1 សប្ដាហ៍មុន
1 សប្ដាហ៍មុន

សាំនឹងរឿងផ្តួលថៃមួយប្រាវសន្លប់ៗ ព្រំ សំណាង ថា ជិតលាឈប់ពីគុនខ្មែរហើយ តែមិនដឹងពេលណាបានជួបជើងខ្លាំង 

ប្រដាល់
ជើងខ្លាំងរបស់កម្ពុជា ព្រំ សំណាង នៅតែបន្តលើកឡើងដដែលៗថា ខ្លួននៅតែប៉ងចង់ជួបរបស់ពិត ក្រោយផ្ដួលដៃគូថៃ សាមីងដុង នៅសង្វៀន TVK Fighter ត្រឹមទឹកទី២ កាលពីថ្ងៃទី១ ខែធ្នូ ឆ្នាំ២០២២ ម្សិលមិញនេះ។    ជើងខ្លាំងក្នុងប្រភេទទម្ងន់ ៧៥គីឡូក្រាម ខាងលើបានឲ្យដឹងថា « ខ្ញុំនៅតែប៉ងចង់ជួបរបស់ពិតដដែលហ្នឹង មុនពេលខ្ញុំឈប់ពីគុនខ្មែរ។ ខ្ញុំគិតថាខ្ញុំប្រហែលជាអាចនៅវាយបានយ៉ាងយូរ១ឆ្នាំជាងអីទៀតហ្នឹងអស់ហើយ ព្រោះអីកម្លាំងខ្ញុំមើលទៅវារាងធ្លាក់ដែរ ណាមួយវ័យយើងវាជ្រេដែរហើយ។ ខ្ញុំប៉ងថាទៅវាយនៅណាក៏បាន មិនថានៅថៃ ឬនៅខ្មែរយើងទេ សុំតែរបស់ពិតមក។ បើនិយាយពីរឿងទៅវាយនៅ ថៃហ្វៃ វិញ ខ្ញុំគិតថា ដល់ចប់ស៊ីហ្គេមខ្ញុំនឹងសុំមេទៅហើយ បើឡូវនេះមិនបានទេ ព្រោះខ្ញុំជាប់ជម្រើសជាតិចឹងមិនបានទេ»។  កីឡាករដដែលបន្ថែមថា រឿងដែលចង់ប៉ះរបស់ខ្លាំងនេះគឺដោយសារតែចង់ដឹងសមត្ថភាពរបស់ខ្លួនឯង អាចប៉ះកីឡាករខ្លាំងៗលំដាប់ណា មុនពេលលាលែងពីគុនខ្មែរពិតប្រាកដ។  កីឡាករ ព្រំ សំណាង ធ្លាប់ប្រកួតចំនួន ១០៦ ដង ឈ្នះ ៩៥ ស្មើ២ ដង ចាញ់ ៨ បើនិយាយពីអាយុកីឡាកររូបនេះបានដាក់ក្នុងបញ្ជីកីឡាករប្រដាល់មានវ័យ៣០ ឆ្នាំ ប៉ុន្តែអាយុពិតត្រូវបានគេដឹងថា លោកមានវ័យ៣៤ ឆ្នាំហើយ៕...
ប្រដាល់

សុវណ្ណកុមារ ហាត់ខាំលើកថ្ម ១ថ្ងៃ ២០០លើក ពេលឡើងសង្វៀនពិជាអស្ចារ្យ ធ្វើឱ្យអ្នកគាំទ្រគុនខ្មែរចង់ឃើញការប្រកួតខ្លាំង

1 សប្ដាហ៍មុន
1 សប្ដាហ៍មុន

សុវណ្ណកុមារ ហាត់ខាំលើកថ្ម ១ថ្ងៃ ២០០លើក ពេលឡើងសង្វៀនពិជាអស្ចារ្យ ធ្វើឱ្យអ្នកគាំទ្រគុនខ្មែរចង់ឃើញការប្រកួតខ្លាំង

ប្រដាល់
សុវណ្ណកុមារ អ្នកប្រដាល់ជើងថ្មីដែលទើបឡើងសង្វៀនបានជាង១០លើក បាននិយាយថា ចូលមួយដៃពេញរបស់ ស ជ័យ រហូតធ្លាក់ប្រដាប់ការពារធ្មេញតែមិនអី ព្រោះខ្លួនហាត់មុខរាល់ថ្ងៃ ហើយបើបានវាយញឹកញាប់កាន់តែល្អ។ ការលើកឡើងនេះក្រោយពេលផ្ដួលកីឡាករ សរ ជ័យ ត្រឹមទឹកទី១ នៅសង្វៀន TVK Fighter របស់ស្ថានីយទូរទស្សន៍ជាតិកម្ពុជា ទទក កាលពីល្ងាចថ្ងៃទី១ ខែធ្នូ ឆ្នាំ២០២២។    ក្រោយការប្រកួតនេះកីឡាករមកពីក្លិបចតុមុខកីឡាខាងលើបានរៀបរាប់ប្រាប់ Lee News ថា « ចូលមួយដៃនេះពេញដែរបង តែមិនអីទេ ព្រោះខ្ញុំគិតថាដៃគាត់នៅស្រាល។ … ខ្ញុំហាត់មុខរាល់ថ្ងៃបងគឺហាត់ខាំធ្មេញលើកថ្មមួយថ្ងៃ១៥០លើក ទៅ២០០លើក ការហាត់មុខខ្លាំងចឹងហើយទើបខ្ញុំចូលដៃវាយអំបោះឆៅរបស់ ស ជ័យ ហើយមិនអីចឹង។ ទម្ងន់ដៃគាត់ខ្ញុំគិតថាមិនជាធ្ងន់ពេកទេ ខ្ញុំអាចទ្រាំ»។    កីឡាករវ័យ២៧ឆ្នាំខាងលើបានបន្ថែមថា ការវាយអំបោះឆៅនេះរូបគេយល់ថា ងាយស្រួលវាយ និងចង់វ៉ៃបែបនេះឲ្យបានច្រើនលើកបន្ថែមទៀត បើទោះប៉ះកីឡាករល្អជាងកីឡាករ ស ជ័យ ក៏ដោយពោលគឺមិនខ្លាចឡើយ សំខាន់ឲ្យតែគ្រូដាក់ឲ្យវ៉ៃ។ គេមើលឃើញថា ខ្លួនល្អកណ្ដាប់ដៃ ហើយច្បាស់គ្រាន់បើ ដូច្នេះបើសិនបានប្រកួតបែបនេះរហូតកាន់តែល្អប្រសើរ។  គួររម្លឹកថា កីឡាកររូបនេះបានចូលហាត់ប្រដាល់ដំបូងនៅឆ្នាំ២០១៨ ជាមួយក្លិប គោព្រៃគុនខ្មែរ ប៉ុន្តែក្រោយមកក៏បានផ្ទេរទៅកាន់ក្លិប ចតុមុខកីឡា នៅឆ្នាំ២០២០។ ដោយសារជីវភាពខ្វះខាតខ្លាំងរូបគេក៏បានទៅជួយធ្វើការឪពុកម្ដាយនៅស្រុកកំណើត អស់មួយរយៈពេល ហើយកាលពីពេលថ្មីៗនេះក៏បានវិលមកកាន់ការហ្វឹកហាត់វិញ បើគិតមកដល់ពេលនេះទើបតែបានហ្វឹកហាត់វិញល្បាក់ក្បែរ២ខែប៉ុណ្ណោះ៕   ...
ប្រដាល់

គឹម វាសនា សុខចិត្តបោះបង់ការប្រកួតក្រៅស្រុកម្ដងហើយម្ដងទៀត ព្រោះតែបញ្ហានេះ...

1 សប្ដាហ៍មុន
1 សប្ដាហ៍មុន

គឹម វាសនា សុខចិត្តបោះបង់ការប្រកួតក្រៅស្រុកម្ដងហើយម្ដងទៀត ព្រោះតែបញ្ហានេះ...

ប្រដាល់
អ្នកស្នេហាគុនខ្មែរពិតជាបានដឹងហើយថា កីឡាករចាស់វស្សារបស់កម្ពុជាមួយរូបគឺ គឹម វាសនា មានសមត្ថភាពមិនធម្មតាឡើយ ហើយកាលពីពេលថ្មីៗទើបតែយកបានមេដាយមាសនៅព្រឹត្តិការណ៍កីឡាជាតិលើកទី៣ លើប្រភេទកីឡាប្រដាល់សកលថែមទៀងផង។  ឆ្លើយដោយគ្មានការលាក់បាំងជើងខ្លាំងមកពីក្លិបឆ័ត្រយោង៩១១ ខាងលើបានឲ្យដឹងថា កន្លងមកក៏មានគេទាក់ខ្លួនឲ្យទៅវាយនៅលើទឹកដីថៃដែរ និយាយទៅមានពីរ-បីដងដែរ តែ វាសនា បានច្រានចោលរហូរ ក្រោមហេតុផលថាតម្លៃខ្លួនតិចពេក។ កីឡាកររូបនេះបានប្រាប់ថា ទៅវាយគេឲ្យ៧០០-៨០០ ហើយការចាយវាយត្រូវចំណាយខ្លួនឯង ដូច្នេះទើបគេមិនព្រមទៅប្រកួត។  កីឡាករដែលបានចាប់ផ្ដើមប្រលូកអាជីពក្បែរ៩ឆ្នាំរូបនេះបាននិយាយថា «ទៅធ្វើអីបងចំណាយខ្លួនឯងហើយលុយប៉ុណ្ណឹងយើងសល់បានតិចតួចណាស់ ប្រហាក់ប្រហែលតែកាយនៅនេះដែរហ្នឹង។ មួយវិញទៀតយើងទៅវាយឈ្នះទៅវាមានអី ឡូតែចាញ់ទៅធ្វើឲ្យខូចឈ្មោះយើងហើយ។ ចឹងខ្ញុំសម្រេចថា មិនទៅទេ ប៉ុន្តែបើសិនគេទាក់ទងមកហើយឲ្យតម្លៃខ្លួនគ្រាន់បើអាហ្នឹងខ្ញុំគិតមើល តែនេះបាន៧-៨០០ ហ្នឹងចាយខ្លួនឯងចង់អស់បាត់ហើយ»។  «ម្យ៉ាងទៀតខ្ញុំឮគេថា ទៅវាយនៅក្រៅស្រុកហ្នឹងវាមានអាស៊ីលើស៊ីក្រោម ចឹងទៅខ្ញុំខ្ជិលម៉ងទៅបង ព្រោះមនុស្សខ្ញុំអត់ចេះទេអាស៊ីលើស៊ីក្រោមហ្នឹង»។ នេះជាការបន្ថែមរបស់ជើងខ្លាំងសម្បូរបច្ចេកទេស គឹម វាសនា ៕...
ប្រដាល់

លោក ពេជ្រ សុផាន់ បោះពាក្យថា ពេជ្រ សម្បត្តិ ប៉ះ អេលីត សាន់ វៃអំប៉ឆៅហ្មង! ស្រួលឱ្យពិន្ទុ តែលោក ស៊ន អេលីត អត់ហានទេដឹង សុំវៃបែបនេះវិញ...

1 សប្ដាហ៍មុន
1 សប្ដាហ៍មុន

លោក ពេជ្រ សុផាន់ បោះពាក្យថា ពេជ្រ សម្បត្តិ ប៉ះ អេលីត សាន់ វៃអំប៉ឆៅហ្មង! ស្រួលឱ្យពិន្ទុ តែលោក ស៊ន អេលីត អត់ហានទេដឹង សុំវៃបែបនេះវិញ...

ប្រដាល់
លោក ពេជ្រ សុផាន់ គ្រូបង្វឹករបស់ក្លិបចលនាយុវជនកម្ពុជា១៥៧ គុនខ្មែរ បានលើកឡើងក្នុងវីដេអូ ឡាយរបស់លោកកាលពីព្រឹកថ្ងៃទី១ ខែធ្នូ ឆ្នាំ២០២២ ថា ជំនួបរវាងសិស្សរបស់លោក ក្របីព្រៃមុខដែក ពេជ្រ សម្បត្តិ នឹងអាចប៉ះគីងកុងពិឃាត អេលីត សាន់ នៅខែមីនា ឆ្នាំ២០២៣ ខាងមុខនេះ។  លោកគ្រូបាននិយាយយ៉ាងដូច្នេះថា « ខ្ញុំបាននិយាយជាមួយលោកគ្រូ ស៊ន អេលីត រួចហើយ រឿងចង់ឲ្យ អេលីត សាន់ ប៉ះ ពេជ្រ សម្បតិ្ត ហ្នឹង។ លោកគ្រូ ស៊ន អេលីត គាត់អត់ឲ្យវ៉ៃអំបោះឆៅទេ គាត់សុំវ៉ៃពាក់ហ្គង់ធម្មតា តែខ្ញុំថា វ៉ៃពាក់ហ្គង់ធម្មតាពិបាកឲ្យពិន្ទុណាស់ ចឹងកុំឲ្យពិបាក ខ្ញុំសុំវ៉ៃហ្គង់ MMA ទៅ»។  បន្ទាប់ពីបានឮការស្នើសុំរបស់លោកគ្រូ ពេជ្រ សុផាន់ ក្នុងការសុំប្រកួតបែបហ្គង់ MMA លោកគ្រូ ស៊ន អេលីត មិនបានឆ្លើយតបមកវិញទេ ប៉ុន្តែលោកគ្រូបញ្ជាក់ថា គូហ្នឹងបើប៉ះគ្នាមែននឹងអាចប្រកួតនៅខែមីនា ឆ្នាំ២០២៣ ខាងមុខនេះហើយ។  គួររម្លឹកថា លោកគ្រូ ពេជ្រ សុផាន់ មិនបានបង្ហាញចេតនាខ្លាចរអាក្នុងការផ្គូផ្គងសិស្សរបស់ខ្លួនក្របីព្រៃមុខដែក ប៉ះជើងខ្លាំងលំដាប់ៗជួរមុខរបស់កម្ពុជាក្នុងប្រភេទទម្ងន់៦០គីឡូក្រាមឡើយ តែផ្ទុយទៅវិញលោកគ្រូបានបង្ហាញចំណាប់អារម្មណ៍ចង់ឲ្យសិស្សរបស់ខ្លួន ប្រកួតតែជាមួយអ្នកខ្លាំងប៉ុណ្ណោះ មិនថា ឈុត សេរីវណ្ណថង ឬ ឃុន បូរ៉ា ទេ ប៉ុន្តែសុំវាយបែបអំបោះឆៅ ហើយជំនួបទាំងនេះលោកគ្រូនឹងចាំរហូតដល់ចប់ស៊ីហ្គេម២០២៣ ក៏បាន ព្រោះថាលោកគ្រូដឹងថា បើវាយមុនស៊ីហ្គេមសហព័ន្ធមិនឲ្យកីឡាករជម្រើសជាតិប្រកួតបែបអំបោះឆៅទេ។ ការបោះពាក្យសម្តីដាក់គ្នាចង់បង្ហាញភាពខ្លាំងរបស់កូនសិស្សខ្លួនលើសមរភូមិគុនខ្មែរនេះដែរ គេមិនទាន់ដឹងច្បាស់ថា តើជំនួបជើងខ្លាំងប្រចាំក្លិបទាំងពីរនេះ អាចជួបគ្នាក្នុងពេលណាប្រាកដនៅឡើយ ហើយការប្រកួតជាលក្ខណៈអំបោះឆៅ ឬហ្គង់ MMA និងហ្គង់ធម្មតា ក៏មិនទាន់ជាក់លាក់ដែរ ព្រោះពេលលោកគ្រូ ពេជ្រ សុផាន់ សុំឱ្យសិស្សវៃបែបអំបោះឆៅ ឬហ្គង់MMA តែមិនទាន់ដឹងថា លោកគ្រូ ស៊ន អេលីត ហ៊ានឬអត់នោះទេ ដែលមិនឆ្លើយតបទៅលោក ពេជ្រ សុផាន់ វិញ ៕   ...
ប្រដាល់

ក្រោយពេលសិក្សាដៃគូ ព្រំ សំណាង មើលឃើញថា ដៃគូថៃដែលប៉ះសប្ដាហ៍នេះមិនធម្មតា

1 សប្ដាហ៍មុន
1 សប្ដាហ៍មុន

ក្រោយពេលសិក្សាដៃគូ ព្រំ សំណាង មើលឃើញថា ដៃគូថៃដែលប៉ះសប្ដាហ៍នេះមិនធម្មតា

ប្រដាល់
ព្រំ សំណាង នឹងត្រូវប៉ះជើងខ្លាំងមកពីថៃ សាមីងដុង ឆឆាំពាន នាថ្ងៃទី១ ខែធ្នូ ឆ្នាំ២០២២ ខាងមុខនេះនៅសង្វៀន TVK Fighter សម្រាប់ការប្រកួតមិត្តភាពកម្ពុជា-ថៃ របស់ស្ថានីយទូរទស្សន៍ជាតិកម្ពុជា ទទក ។  ក្នុងការប្រកួតនេះកីឡាករ ព្រំ សំណាង បានសិក្សាពីដៃគូរួចរាល់ ហើយគេបានរៀបរាប់មកកាន់ Lee News ថា បានមើលឃើញចំណុចល្អរបស់ដៃគូខាងលើនេះមានច្រើន ពិសេសគឺការវាយចេញមួយឈុតៗតែម្ដង ពោលគឺចេញមកមានកណ្ដាប់ដៃឆ្វេង-ស្ដាំ មួយពីរ មួយពីរ ហើយបន្ថែមដោយការការទាត់ទៀត។ និយាយទៅ សំណាង មើលឃើញថា កីឡាករថៃនេះលឿន និងវាយចេញមួយៗឈុតល្អ។  ចំណែកចំណុចខ្សោយវិញកីឡាករល្អជង្គង់រូបនេះ មើលទៅហាក់មិនមានច្រើនទេ ប៉ុន្តែគេគិតថា ទោះបីជាយ៉ាងណា នឹងប្រឹងប្រែងធ្វើឲ្យបានល្អ។ អ្វីដែលគេចង់ប៉ះខ្លាំងបំផុតនោះគឺរបស់ពិតនេះតែម្ដង បើសិនជាថៃរូបនេះជារបស់ពិតមែនគេពិតជាសប្បាយចិត្ត ព្រោះចេតនាក្នុងការចង់ប៉ះរបស់ពិតនេះគឺដើម្បីចង់វាស់ស្ទង់កម្រិតបច្ចេកទេសរបស់ខ្លួនថានៅខ្វះខាតចំណុចណាខ្លះ ដើម្បីពង្រឹង ឬអភិវឌ្ឍន៍ខ្លួនបន្ថែមឲ្យកាន់តែល្អ។    គួររម្លឹកថា ព្រំ សំណាង មួយរយៈពេលនៃការប្រមូលផ្ដុំហ្វឹកហាត់ក្នុងក្រុមជម្រើសជាតិ ត្រូវបានគេកត់សម្គាល់ឃើញថា មានសមត្ថភាពរីកចម្រើនខ្លាំង ដ្បិតថាយឺតបន្តិចមែន ប៉ុន្តែមានកណ្ដាប់ដៃធ្ងន់ល្អ និងអាវុធជង្គង់បោះចេញមួយៗធ្ងន់តែម្ដង៕   ...
ប្រដាល់

អនាគតកីឡាករជើងខ្លាំង សុខ ធី ហៅ កាកា ទៅជាយ៉ាងណា ខណៈបូលិស ថៃ ចាប់ខ្លួន រកឃើញថ្នាំញៀន រហូតដល់ទៅ ៥ គ្រាប់

1 សប្ដាហ៍មុន
1 សប្ដាហ៍មុន

អនាគតកីឡាករជើងខ្លាំង សុខ ធី ហៅ កាកា ទៅជាយ៉ាងណា ខណៈបូលិស ថៃ ចាប់ខ្លួន រកឃើញថ្នាំញៀន រហូតដល់ទៅ ៥ គ្រាប់

ប្រដាល់
សុខ ធី ហៅ កាកា ត្រូវបានមន្រ្តីតម្រួតរបស់ ថៃ ចាប់ខ្លួនពីបទប្រើប្រាស់គ្រឿងញៀន កាលពីយប់ថ្ងៃទី២៩ ខែវិច្ឆិកា ឆ្នាំ២០២២ នៅលើទឹកដីថៃ ។ នេះបើយោងតាមការចំផ្សាយរបស់ Page មួយរបស់ថៃ។  ប្រភពដដែលបានចុះផ្សាយទៀតថា ប៉ូលិសថៃបានធ្វើការចាប់ខ្លួន ក្រោយពេលត្រួតពិនិត្យក្នុងកាបូបរបស់ សុខ ធី ហើយបានរកឃើញ ថ្នាំញៀនប្រភេទ មេតំហ្វេតាមីន ចំនួន៥គ្រាប់។  កីឡាករកម្ពុជាខាងលើក៏បានសារភាពថា ខ្លួនបានទិញ ថ្នាំញៀន មេតំហ្វេតាមីន ពីឈ្មួញគ្រឿងញៀននៅភូមិ Rangsit Khlong បន្ទាប់មកប៉ូលិសក៏បាននាំខ្លួន សុខ ធី ទៅធ្វើតេស្តទឹកនោមនៅមន្ទីរពេទ្យ Noppharat Rajathanee ហើយបានរកឃើញថា ពិតជាមានសារធាតុញៀនមែន ហើយប្រភេទថ្នាំ មេតំហ្វេតាមីន គឺជាគ្រឿងញៀនមិនមែនជាថ្នាំប៉ូវកម្លាំងឡើយ។ សុខ ធី ហៅ កាកា គឺជាកីឡាករជើងខ្លាំងល្បីឈ្មោះមួយរូបដែលធ្លាប់មកប្រកួតនៅកម្ពុជាអស់មួយរយៈ បន្ទាប់ពីមានបញ្ហាខ្លះៗ ក្នុងការប្រកួតក្នុងស្រុកខ្មែរគេក៏សម្រេចទៅវាយនៅទឹកដីថៃវិញ ហើយកីឡាកររូបនេះក៏ត្រូវបានគេដឹងថា ជាកីឡាករមានសមត្ថភាពល្អ មានកេរ្តិ៍ឈ្មោះល្បីនៅទឹកដី ថែផងដែរ។  គួរបញ្ជាក់ដែរថា កីឡាករ សុខ ធី មានដើមកំណើតមកពីភូមិ អូប្រាសាទ ឃុំអូប្រាសាទ ស្រុកមង្គលបុរី ខេត្តបន្ទាយមានជ័យ។ គេជាកូនគ្រួសារក្រីក្រមួយមានឪពុកឈ្មោះ សុខ ញិល និងម្ដាយឈ្មោះ ពឹង រុំ ៕   ...
សិល្បៈកម្សាន្ត

ផ្លូវការ! គុនល្បុក្កតោ បានចុះបញ្ជីបេតិកភ័ណ្ឌសម្បត្តិវប្បធម៌ អរូបីយនៃមនុស្សជាតិ នៃអង្គការ UNESCO

1 សប្ដាហ៍មុន
1 សប្ដាហ៍មុន

ផ្លូវការ! គុនល្បុក្កតោ បានចុះបញ្ជីបេតិកភ័ណ្ឌសម្បត្តិវប្បធម៌ អរូបីយនៃមនុស្សជាតិ នៃអង្គការ UNESCO

សិល្បៈកម្សាន្ត
 (គុនល្បុក្កតោ)៖ នៅថ្ងៃទី២៩ ខែវិច្ឆិកា ឆ្នាំ២០២២ នៅទីក្រុងរ៉ាបាត នៃព្រះរាជាណាចក្រម៉ារ៉ុក នៅក្នុងកិច្ចប្រជុំលើកទី១៧ នៃគណៈកម្មាធិការអន្តររដ្ឋាភិបាល ដើម្បីការការពារ បេតិកភណ្ឌវប្បធម៌អរូបីរបស់អង្គការយូណេស្កូ(UNESCO) បានអនុម័តចុះ គុនល្បុក្កតោ ក្នុងបញ្ជី តំណាងបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ ក្នុងសេចក្តីសម្រេច 17.COM7.b.1។  ឆ្លៀតក្នុងឱកាសនោះ លោកជំទាវ Audrey Azoulay អគ្គនាយិកាអង្គការយូណេស្កូ ក៏  បានអបអរសាទរកម្ពុជា ក្នុងការគុនល្បុក្កតោ ក្នុងបញ្ជីតំណាងបេតិកភណ្ឌ វប្បធម៌អរូបីនៃមនុស្សជាតិរបស់អង្គការយូណេស្កូ ផងដែរ។ ល្បុក្កតោ ឬ ជាអក្សរឡាតាំង Bokator ឬ Labokkatao គឺជាក្បាច់គុនវប្បធម៌ខ្មែរ ដែលរួមមានការប្រយុទ្ធ ការគេចពីសត្រូវ និងការប្រើប្រាស់អាវុធជាដើម។ គុនល្បុក្កតោ គឺជាក្បាច់គុនដ៏ចំណាស់មួយរបស់ខ្មែរ ដែលត្រូវបានបង្កើតឡើង ដោយជនជាតិខ្មែរនៅលើទឹកដីខ្មែរ តាំងពីមុនការមកដល់នៃអរិយធម៌ឥណ្ឌា កាលពីជាង ២ពាន់ឆ្នាំកន្លងមកហើយ។ ការប្រើក្រមា នៅពេលគេវាយគ្នា គេតែងតែពាក់ឯកសណ្ឋានដូចទៅនឹងទាហានខ្មែរ កាលសម័យបុរាណអញ្ចឹង។ ក្រមា ត្រូវបានគេចងជុំវិញចង្កេះ ហើយ រង្វេលសូតពណ៌ក្រហម ត្រូវគេឲ្យឈ្មោះថា «ថ្ងៃសង្វារ» ដែលគេចងជុំវិញក្បាល។ ល្បុក្កតោមានក្បាច់ជាច្រើនដូចជាក្បាច់សេះ ក្បាច់ទា ក្បាច់តោ ក្បាច់បក្សី ក្បាច់ស្ដេចស្វា ក្បាច់ដំរី ក្បាច់អប្សរា និង ក្បាច់ក្រពើជាដើម។ គួរដឹងថាការស្នើសុំដាក់បញ្ចូលក្បាច់គុនល្បុក្កតោ ទៅក្នុងបញ្ជីបេតិកភណ្ឌអរូបីនៃមនុស្សជាតិរបស់អង្គការយូណេស្កូ ក្រោមការចង្អុល បង្ហាញពីប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន តាំងពីឆ្នាំ២០១០ មកដល់ឆ្នាំ ២០២២ ទើបទទួលបានជោគជ័យ៕ ...
ប្រដាល់

សឿន ថៃសាន់ សម្រេចលាឈប់ពីគុនខ្មែរទាំងអាល័យក្រោយប្រលូក៩ឆ្នាំមិនសល់អី

1 សប្ដាហ៍មុន
1 សប្ដាហ៍មុន

សឿន ថៃសាន់ សម្រេចលាឈប់ពីគុនខ្មែរទាំងអាល័យក្រោយប្រលូក៩ឆ្នាំមិនសល់អី

ប្រដាល់
ពាក្យថា អ្នកស្នងគុនខ្មែរកើតចេញពីគ្រួសារក្រខ្សត់នៅតែជារឿងពិតដែលមិនអាចប្រកែកបាន ព្រោះប្រិយមិត្តដឹងហើយថា ស្ទើរតែទាំងស្រុងនៃកីឡាករប្រដាល់ទាំងអស់ក្នុងស្រុកខ្មែរភាគច្រើនជាកូនអ្នកក្រគ្មានទ្រព្យ ហើយប្រសិនបើការប្រលូកប្រដាល់ ពេលឡើងវាយបានលុយមកយកទៅចំណាយច្រើន ហើយខ្លួនមិនសូវល្បីទៀតនោះពិតណាស់ពេលឈប់ទៅវិញ នឹងសល់តែបាតដៃទទេ ជាក់ស្ដែងដូច សឿន ថៃសាន់ ជាដើម។    សឿន ថៃសាន់ បានសម្រេចប្រកាសជាផ្លូវការដើរចេញពីគុនខ្មែរ ក្រោយប្រលូកប្រដាល់ចាប់ពីឆ្នាំ២០១៣ ដែលពេលចាប់ផ្ដើមនោះគេមានវ័យ១៣ឆ្នាំ ។ កាលនោះគេចាប់ផ្ដើមប្រលូកត្រឹមជាក្មេងដើរវាយតាមវត្តិតាមភូមិ ឬបុណ្យទានផ្សេងៗ។ ក្រោយមករហូតដល់ឆ្នាំ២០១៤ ក៏សម្រេចចូលហាត់នៅក្លិប ជ្រៃសែនជ័យខេត្តកំពង់ស្ពឺ របស់លោក មាស សុខគ្រី ។ ចាប់តាំងពីវាយដំបូងៗរហូតដល់វ័យ២៦ សឿន ថៃសាន់ បានប្រាប់មកកាន់ Lee News ថា « គ្មានសល់អីទេបង កាលហ្នឹងខ្ញុំវ៉ៃបានចំណាយអស់ៗ ហើយយើងមិនសូវបានវ៉ៃញឹកញាប់ដូចគេ។ គ្រួសារយើងក្របង ដល់ចឹងពេលវាយបានយកលុយផ្ញើឲ្យម៉ែផង ចាយវាយខ្លួនឯងផង អស់ៗមួយខែគ្មានសល់អីទេ។ បើសរុបទៅតាំងពីវាយមកបើគិតជាលុយសល់វិញគឺសល់បានលុយយកទៅជួសជុលសំយ៉ាបផ្ទះប្រហែល១ពាន់ដុល្លារ និងចាក់ដីនៅស្រុកអស់ប្រហែល៣លានរៀលហ្នឹងបង »។  កីឡាករដែលមានប្រពន្ធ និងកូនប្រុសម្នាក់ខាងលើបានបន្ថែមថា « ខ្ញុំពិតជានៅស្រលាញ់ប្រដាល់ខ្លាំងមែនទែន តែមិនអាចបន្តបាន ដោយសារតែក្លិបមានការខ្វះខាតខ្លាំងអត់មានអ្នកកាន់ស៊ីបកាន់អីទេ។ មួយវិញទៀតក្លិបនៅឆ្ងាយរហូតដល់ក្បែរទីរួមខេត្តកំពង់ស្ពឺ ហើយប្រពន្ធខ្ញុំធ្វើការរោងចក្រនៅម្ដុំលូ៥ តែម្នាក់ឯង ខ្ញុំត្រូវទៅមកឆ្ងាយហើយបើទៅសម្រាកនៅក្លិបប្រពន្ធនៅម្នាក់ឯងដូច្នេះពិបាក ណាមួយសុំគ្រូប្ដូរក្លិបក៏មិនបានដូច្នេះមានតែឈប់ប៉ុណ្ណោះ ហើយស្វែងរកការងារធ្វើវិញ»។  គួររម្លឹកថា សឿន ថៃសាន់ កន្លងមកក៏ធ្លាប់សុំគ្រូប្ដូរក្លិបហាត់ដែរ តែត្រូវលោកគ្រូបញ្ឈរជើងមិនឲ្យឡើងប្រកួត១ខែ។ ខណៈបច្ចុប្បន្នកីឡាកររូបនេះកំពុងធ្វើការស៊ីឈ្នួលរៀបឥវ៉ាន់ឲ្យបងធម៌ ដើម្បីបានលុយចិញ្ចឹមជីវិត ខណៈប្រពន្ធត្រូវបានរោងចក្ររំសាយព្រោះតែអត់ការងារធ្វើ៕   ...
ប្រដាល់

នោះ! ធឿន ធារ៉ា ប៉ះ ផេតមរកត នៅ រ៉ាចាដាំនឿន តែលោកគ្រូ អេ ភូថង ថាមិនប៉ះពាល់ដល់ការប្រកួតនៅថៃហ្វៃឡើយ

1 សប្ដាហ៍មុន
1 សប្ដាហ៍មុន

នោះ! ធឿន ធារ៉ា ប៉ះ ផេតមរកត នៅ រ៉ាចាដាំនឿន តែលោកគ្រូ អេ ភូថង ថាមិនប៉ះពាល់ដល់ការប្រកួតនៅថៃហ្វៃឡើយ

ប្រដាល់
លោក អេ ភូថង គ្រូបង្វឹករបស់ ធឿន ធារ៉ា បានប្រាប់មកកាន់ Lee News មុននេះថា លោកមិនទាន់ដឹងប៉ះអ្នកណាឡើយក្នុងកម្មវិធី រ៉ាចាដាំនឿន នាថ្ងៃទី៩ ខែវិច្ឆិកា ឆ្នាំ២០២២ ខណៈប្រភពច្បាស់ការថានឹងប៉ះ ផេតមរកត ។  ប្រិយមិត្តអ្នកស្នេហាគុនខ្មែរពិតជាបានដឹងហើយថា កាលពីខែមុន ផេតមរកត បានធ្វើការ Live វីដេអូថា រូបគេនឹងប៉ះអ្នកលេងគុនខ្មែរនៅលើទឹកដីថៃថ្ងៃទី៩ ខែវិច្ឆិកា ឆ្នាំ២០២២ ហើយគាប់ជួនពេលនេះក្លិបរបស់លោកក៏បានបង្ហោះថា ធឿន ធារ៉ា នឹងត្រូវទៅវាយក្នុងកម្មវិធី ចារាដាំនឿន ផងដែរ។ ជាមួយគ្នានោះអ្នកស្នេហាគុនខ្មែរ និងប្រភពច្បាស់ការមួយបានឲ្យដឹងថា ការប្រកួតទល់ ផេតមរកត ជារឿងពិតមែន។  យ៉ាងណាលោកគ្រូ អេ ភូថង ក៏បានប្រាប់មកកាន់ក្រុមការងារ Lee News ថា ទោះប្រកួតថ្ងៃទី៩ ក៏មិនប៉ះពាល់ដល់ការប្រកួតថ្ងៃទី២៤ ទល់ សែយុគ ដែរ ព្រោះថាចន្លោះរយៈពេលសម្រាកខុសគ្នាច្រើន។ លោកនៅតែមានជំនឿចិត្តថា សិស្សរបស់លោកនឹងធ្វើបានល្អទោះប៉ះគេខ្លាំងៗក៏ដោយ។  គួររម្លឹកថា សម្រាប់ការប្រកួតរវាង ធឿន ធារ៉ា នៅ រ៉ាចាដាំនឿន ក្នុងថ្ងៃខែឆ្នាំខាងលើគឺជាកម្មវិធីប្រកួតមិត្តភាពកម្ពុជា-ថៃ ធម្មតាប៉ុណ្ណោះ។ បើនិយាយពីការហ្វឹកហាត់វិញលោកគ្រូ អេ ភូថង ក៏បានប្រាប់សិស្សរបស់លោកឲ្យធ្វើការយកចិត្តទុកដាក់ និងបង្កើនពេលវេលាហ្វឹកហាត់ឲ្យបានលើសធម្មតាផងដែរ។ ចំណែកថ្ងៃទី២៤ ខែធ្នូ កីឡាករមកពីខេត្តព្រៃវែង និងប៉ះ សែយុគ ដើម្បីដណ្ដើមខ្សែក្រវាត់ ថៃហ្វៃ ក្នុងប្រភេទទម្ងន់ ៧២គីឡូក្រាម៕   ...
ប្រដាល់

មហាជនរិះគន់ការកាត់ក្ដីរវាង ឃុន បូរ៉ា និង ឈុត សេរីវណ្ណថង ខណៈសាមីខ្លួនផ្ទាល់បញ្ចេញទស្សនៈបែបនេះ

1 សប្ដាហ៍មុន
1 សប្ដាហ៍មុន

មហាជនរិះគន់ការកាត់ក្ដីរវាង ឃុន បូរ៉ា និង ឈុត សេរីវណ្ណថង ខណៈសាមីខ្លួនផ្ទាល់បញ្ចេញទស្សនៈបែបនេះ

ប្រដាល់
ក្នុងវគ្គផ្ដាច់ព្រ័ត្រដណ្ដើមខ្សែក្រវាត់ និងផ្ទះវីឡា របស់ស្ថានីយទូរទស្សន៍ប៉ុស្តិ៍លេខ៥រវាងនាគមាស ឃុន បូរ៉ា និង រាហូមាស ឈុត សេរីវណ្ណថង ទទួលបានការរិះគន់ពីមហាជនយ៉ាងដំណំ ក្រោយការកាត់ក្ដីហាក់ផ្ទុយស្រលះពីការមើលឃើញរបស់អ្នកគាំទ្រគុនខ្មែរមួយភាគធំ ពោលគឺ រាហូមាស ឈ្នះដោយពិន្ទុ។    ក្រោយការប្រកួតគេមើលឃើញថា មហាជនបានផ្ដល់ពិន្ទុថា បូរ៉ា សក្ដិសមជាអ្នកឈ្នះ ដោយអ្នកខ្លះនិយាយថា « លទ្ធផលមិនសក្ដិសម» អ្នកខ្លះទៀតថា «មនុស្សរាប់លាននាក់មើលឃើញ បូរ៉ា ឈ្នះ » អ្នកខ្លះនិយាយថា «ពិន្ទុឯកច្ឆន្ទទើបត្រូវ បូរ៉ា ឈ្នះ១០០%» ។ មិនត្រឹមពិន្ទុអ្នកខ្លះទៀតបាននិយាយថា «ខ្ញុំពិតជាចង់ឲ្យមានការប្រកួតសារជាថ្មី ដោយសារពិន្ទុមិនដាច់ បើមានការរៀបចំមែនមិនដឹងល្អប៉ិនណាទេ» ប្រិយមិត្តខ្លះក៏បានលើកឡើងថា «បូរ៉ា អើយអយុត្តិធម៌ណាស់ ឈ្នះគេ៤ទឹក ហើយគេឲ្យចាញ់ទៀត ស្រុកខ្មែរគឺចឹង»។  ជាមួយគ្នានោះក្រុមការងារ Lee News បានធ្វើការទាក់ទងភ្លាមៗជាមួយសាមីខ្លួន ឃុន បូរ៉ា ជុំវិញចំណាប់អារម្មណ៍ សម្រាប់លទ្ធផលដែលចៅក្រមសម្រេចឲ្យចាញ់ ដោយកីឡាករមកពីខេត្តបន្ទាយមានជ័យបាននិយាយថា « សម្រាប់ខ្ញុំមហាជនគាត់មើលឃើញម៉េច អាហ្នឹងតាមគាត់មើលឃើញទៅខ្ញុំអត់មានអីត្រូវនិយាយច្រើនទេ ធ្វើម៉េចបើលទ្ធផលវាចេញមកចឹងហើយ។ … បើសម្រាប់ខ្ញុំផ្ទាល់ខ្លួនឯង ខ្ញុំគិតថាគួរតែឈ្នះហើយ ព្រោះអីខ្ញុំវ៉ៃគាត់ចូលច្រើនជាងនៅទឹកទី១ទឹកទី២ និងទឹកទី៣ ហើយទឹកទី៤ ខ្ញុំទទួលស្គាល់ថា គាត់វ៉ៃខ្ញុំត្រូវច្រើនជាង ប៉ុន្តែយ៉ាងណាបងលទ្ធផលនេះខ្ញុំទទួលយកបានអត់អីទេបង។…សម្រាប់ខ្ញុំក៏សូមចូលរួមអបអរដល់ វណ្ណថង ដែលទទួលបានខ្សែក្រវាត់និងផ្ទះវីឡានេះផងដែរ»។  គួររម្លឹកថា សម្រាប់លទ្ធផលផ្លូវការក្នុងព្រឹត្តិការណ៍ប្រកួតដណ្ដើមផ្ទះវីឡាអ្នកលេខ១បានទៅលើ ឈុត សេរីវណ្ណថង លេខ២បានទៅ ឃុន បូរ៉ា លេខ ៣ បានទៅ វ៉ាន់ វឿន និងលេខ ៤ បានទៅ សូត្រ វាសនា ដោយអ្នកទាំងពីរប្រកួត៥ទឹកពេញលទ្ធផល វ៉ាន់ វឿន ឈ្នះដោយពិន្ទុ។  ចំពោះរង្វាន់សម្រាប់ជយលាភីលេខ១ បានខ្សែក្រវាត់១គ្រឿង និងបានផ្ទះវិឡាភ្លោះ អ្នកលេខ២ បានដីឡូត៍ទំហំ ១០x២០ ចំណែកលេខ ៣-៤ ទទួលបានដីឡូត៍ ៥x២០ ដូចគ្នា៕...
ប្រដាល់

អេ ណារ័ត្ន អាចនឹងទៅវាយធ្វើឱ្យកក្រើកនៅ ថៃហ្វៃ នៅថ្ងៃទី ២៤ ធ្នូ ជាមួយ ធឿន ធារ៉ា និង ហ៊ុន កង

2 សប្ដាហ៍មុន
2 សប្ដាហ៍មុន

អេ ណារ័ត្ន អាចនឹងទៅវាយធ្វើឱ្យកក្រើកនៅ ថៃហ្វៃ នៅថ្ងៃទី ២៤ ធ្នូ ជាមួយ ធឿន ធារ៉ា និង ហ៊ុន កង

ប្រដាល់
ធឿន ធារ៉ា និងទៅវាយនៅសង្វៀន ថៃហ្វៃ ទល់កីឡាករ សៃយុគ ខណៈ ហ៊ុន កង នឹងទៅប៉ះ សែន ឆៃ វគ្គផ្ដាច់ព្រ័ត្រដណ្តើមខ្សែក្រវាត់ដូចគ្នា នាថ្ងៃទី២៤ ខែធ្នូ ឆ្នាំ២០២២។ ជាមួយគ្នានោះបើតាមព័ត៌មានមិនទាន់ផ្លូវការមួយបានបង្ហើបថា  អេ ណារ័ត្ន ក៏ទំនងជាកីឡាករខ្មែរម្នាក់ទៀត ដែលត្រូវទៅវាយក្នុងកម្មវិធីនោះផងដែរ។    បើតាមសម្ដីរបស់លោក បាង កាយ៉ាក ប្រមូរទ័រនាំកីឡាករខ្មែរទៅវាយនៅ ថៃ បានប្រាប់មកកាន់ Lee News ថា ក្នុងថ្ងៃដែល ធឿន ធារ៉ា និង ហ៊ុន កង ប្រកួតនៅ ថៃហ្វៃ ក៏មានកីឡាករកម្ពុជាម្នាក់ទៀតទៅវ៉ៃដែរ  ប៉ុន្តែលោកមិនទាន់ហ៊ានប្រាប់ជាក់លាក់ថា ជាកីឡាកររូបណានៅឡើយ ក្រោមហេតុផលថា ប្រាប់ឈ្មោះកីឡាករម្នាក់នោះមិនទាន់បានទេក្នុងពេលនេះ។  ជាមួយគ្នានោះកាលពេលថ្មីៗនេះ អេ ណារ័ត្ន បានបង្ហោះនៅលើទំព័រហ្វេសប៊ុកផ្លូវការរបស់ខ្លួនថា  « ជួបគ្នាឆាប់ ៗ”  អមដោយការដាក់ទង់ជាតិថៃនៅក្បែរនោះផងដែរ។ មិនត្រឹមតែប៉ុណ្ណោះ Page ផ្លូវការរបស់លោកគ្រូ អេ ភូថង ក៏បានបង្ហោះដែរថា « អេ ណារ័ត្ន ប្រាប់ថា ជួបគ្នាឆាប់ៗ បងប្អូនចង់អោយ អេ ណារ័ត្ន ចេញប្រកួតនៅប្រទេសថៃទៀតទេ ព្រោះលើកមុន ទើបបាន១សែនបាត ពីលោក សៀបូត»។  យ៉ាងណាគេនៅមិនទាន់ដឹងច្បាស់១០០% ថា អេ ណារ័ត្ន នឹងទៅអង្រួនសង្វៀន ថៃហ្វៃ មែនឬយ៉ាងណានោះទេ ព្រោះសាមីខ្លួនផ្ទាល់ រួមទាំងក្លិបសុទ្ធតែមិនបានប្រាប់ ដោយនិយាយក្នុងចេតនាចង់ឲ្យអ្នកគាំទ្ររង់ចាំមើលសិន។ ទោះយ៉ាងណាបើតាមសាច់រឿងប្រទាក់ក្រឡាគ្នានេះ គេអាចសន្និដ្ឋានបានថា  អេ ណារ័ត្ន អាចជាកីឡាករខ្មែរម្នាក់ដែរ ក្នុងចំណោមកីឡាករ៣នាក់ ដែលនឹងទៅអង្រួនសង្វៀន ថៃហ្វៃ នៅថ្ងៃទី២៤ ធ្នូ ខាងមុខនេះ ៕   ...