សិល្បៈកម្សាន្ត


សិល្បៈកម្សាន្ត

ប្តូរក្រលៀនអស់ជាច្រើនឆ្នាំ លោក យូ ឌីស្កូ ទើបលេចមុខក្នុងរឿងភាគជាលើកដំបូង !

6 ម៉ោងមុន
6 ម៉ោងមុន

ប្តូរក្រលៀនអស់ជាច្រើនឆ្នាំ លោក យូ ឌីស្កូ ទើបលេចមុខក្នុងរឿងភាគជាលើកដំបូង !

សិល្បៈកម្សាន្ត
ភ្នំពេញ៖ តារាសម្តែង យូ ឌីស្កូ បានវិលត្រឡប់មកជួបទស្សនិកជនជាច្រើនម្តងទៀតហើយ ក្រោយពីវះកាត់ប្តូរក្រលៀនអស់ជាច្រើនឆ្នាំ ។ លោក យូ ឌីស្កូ និងតារាសម្តែង នៅ ណាវីន សុទ្ធតែបានឆ្លងកាត់ការវះកាត់ប្តូរក្រលៀននៅប្រទេស ឥណ្ឌា ដូចគ្នា ប៉ុន្តែ ស្ថានភាពសុខភាពតារាសម្តែង នៅ ណាវីន ហាក់ដូចជាល្អប្រសើរជាងលោក យូ ឌីស្កូ ពីព្រោះនាងបានចេញមុខថតភាពយន្ត និងប្រកបការងារផ្សេងៗបាន មានតែលោក យូ ឌីស្កូ ទេ ត្រូវសំងំថែទាំង សុខភាព បើមិនដូច្នេះគឺពិបាកក្នុងការជួយសង្រ្គោះណាស់។ លោក យូ ឌីស្កូ មិនរំពឹងថា ខ្លួនអាចនឹងត្រឡប់មកឈរជើងនៅលើវិថីសិល្បៈឡើងវិញនោះទេ ក្រោយពីជីវិតខ្លួនធ្លាក់ដុនដាបខ្លាំងដោយសារជំងឺជាច្រើនមុខជាពិសេសក្រោយពីបានទៅក្រៅប្រទេសវះកាត់ ប្តូរក្រលៀន ជាក់ស្តែងច្រើនឆ្នាំមកនេះ លោកមិនបានប្រកបរបរអ្វីក្រៅពីមើលថែខ្លួន យូរៗម្តងទើបលេចមុខនៅក្នុងកម្មវិធីជួបជុំមិត្តសិល្បករ ។ ទោះជាយ៉ាងនេះក្តីពេលវេលាជាច្រើនឆ្នាំបានកន្លងផុតទៅ ពេលនេះលោក យូ ឌីស្កូ មានឱកាសវិលត្រឡប់មកសាងស្នាដៃរបស់ខ្លួនឡើងវិញហើយតាមរយៈរឿង « អប្សរចិត្តខ្មៅ » ដែលត្រៀមនឹងដាក់បញ្ចាំងនៅលើកញ្ចក់ទូរទស្សន៍បាយ័ន។ លោក យូ ឌីស្កូ ពិតជារំភើបចិត្តណាស់ដែលអាចវិលត្រឡប់មកបង្ហាញស្នាដៃខ្លួនជាថ្មីម្តងទៀត លោកសំណូមពរឱ្យបងប្អន ខ្មែរ ចូលគាំទ្រស្នាដៃថ្មីរបស់លោកឱ្យបានច្រើន ដើម្បីផ្តល់ជាកម្លាំងចិត្តដល់លោក និងមិត្តសិល្បករ ។ ពេលនេះលោក យូ ឌីស្កូ ក៏មានសាច់ឈាមភ្លឺថ្លា និងមានសុខភាពល្អប្រសើរឡើងវិញដែរ គ្រាន់តែរូបរាងរបស់លោកនៅតែស្គាំងស្គមដូចមុន លោកត្រូវប្រយ័ត្នប្រយែងខ្ពស់ក្នុងការរស់នៅ និងញុំាអាហារ ដើម្បីទទួលបានសុខភាពល្អ៕ ...
សិល្បៈកម្សាន្ត

យុទ្ធនាការរបស់ ពូឃ្លាំង លុបបំបាត់ការបរិភោគសត្វសុនក ធ្វើឱ្យអភិបាលស្រុកបន្ទាយស្រីក៏នៅមិនស្ងៀម!

6 ម៉ោងមុន
6 ម៉ោងមុន

យុទ្ធនាការរបស់ ពូឃ្លាំង លុបបំបាត់ការបរិភោគសត្វសុនក ធ្វើឱ្យអភិបាលស្រុកបន្ទាយស្រីក៏នៅមិនស្ងៀម!

សិល្បៈកម្សាន្ត
តារាចម្រៀងរ៉េបដ៏ល្បី ពូ ឃ្លាំង បន្ទាប់ពីស្ងាត់ពីសិល្បៈអស់រយៈពេល១៥ឆ្នាំ  បានត្រលប់មកបំរើអារម្មណ៍ទស្សនិកសាជាថ្មីនាឆ្នាំ២០២២ ហើយសាងភាពល្បីល្បាញម្តងទៀតតាមរយៈបទចម្រៀង «រង្គើ»។ មិនត្រឹមតែប៉ុណ្ណោះ ក្រៅពីប្រកាសចូលវិថីចាស់ តារាចម្រៀងរូបនេះក៏បានចូលរួមយុទ្ធនាការទៅលើសត្វ ចិញ្ចឹម ដោយបញ្ឃប់ការបរិភោគសត្វសុនក (ឆ្កែ) ។ ថ្លែងនៅលើបណ្តាញសង្គមជារឿយៗ បង្ហោះមិនដែលដាច់លោកបានអំពាវនាវដល់ អ្នកស្រលាញ់សត្វសុនកទាំងអស់ចូលរួមបំផុសគំនិតលុបបំបាត់ការបិភោគ និងដាក់ទោសដល់ជនណាដែលបានទាក់សុនក ព្រមទាំងមានបំណងឱ្យប្រទេស ខ្មែរទាំងមូលយកគម្រូតាមខេត្តសៀមរាប ព្រោះខេត្តនេះ​បាន​ហាម​ឃាត់ការ​ជួញដូរ​និង​ការ​សម្លាប់​សុនខ​ឬឆ្កែ ដែលជាសត្វស្មោះត្រង់នឹងម្ចាស់។ ពូឃ្លាំង បានឱ្យដឹងទៀតថា សុនក ប្រៀបដូចជាសមាជិកគ្រួសារ​ នឹងទ្រព្យសម្បត្តិ ឯកជន​របស់អ្នកដែលស្រលាញ់សត្វនេះ​ បើគេលួចទាក់បាត់ តើម្ចាស់នឹង ទទួលអារម្មណ៍បែបណាហើយភាពយុត្តិធម៌មានទេសម្រាប់ អ្នកខំចិញ្ចឹមជាម្ចាស់តែត្រូវគេលួចទៅបាត់។ មិនត្រឹមតែប៉ុណ្ណោះ លោកក៏បានអះអាងថានឹង ចូលរួមពេញទំហឹងទៅ លើយុទ្ធនាការនេះ ព្រមទាំងអំពាវនាវដល់លោកជំទាវ ហ៊ុន ស៊ីណាត ឱ្យជួយឈឺឆ្អាលលើរឿងនេះផងដែរ។ ងាកទៅកាន់អភិបាលបន្ទាយស្រី លោក ឃឹម ហ្វីណង់ បន្ទាប់ពីឃើញការបំផុស គំនិតរបស់ពូឃ្លាំង ក៏បានចូលរួមគាំទ្រលើយុទ្ធនាការនេះ ដោយបានរៀបរាប់ថា «ទីសត្តឃាតសត្វឆ្កែ ការជួញដូរ និងការធ្វើអាជីវកម្មសាច់ឆ្កែគ្រប់រូបភាព មិនត្រូវបានអនុញ្ញាតនៅក្នុងស្រុកបន្ទាយស្រីឡើយ។ស្រុកបន្ទាយស្រីធ្លាប់ត្រូវបានរកឃើញ ថាជាកន្លែងជួញដូរធំជាងគេនៅក្នុងខេត្តសៀមរាប ជាពិសេសនៅក្នុងឃុំព្រះដាក់ ដោយមានទីតាំងប្រមូលទិញពីបណ្តាស្រុកផ្សេងៗ ស្តុកទុកសត្វឆ្កែរស់ជាច្រើនកន្លែង និងបានប្រតិបត្តិការផ្គត់ផ្តង់សត្វឆ្កែរស់និងសាច់ឆ្កែបន្តទៅកាន់តំបន់ដទៃទៀតក្នុងប្រទេសកម្ពុជា»។  លោកបន្តទៀតថា «ក្នុងនាមជាស្រុកទេសចរណ៍មួយ ការជួញដូរនេះបានធ្វើឱ្យប៉ះពាល់ដល់វិស័យទេសចរណ៍ និងកេរ្តិ៍ឈ្មោះរបស់ស្រុក ដែលជាហេតុផលសំខាន់ជាងគេបណ្តាល ឱ្យរដ្ឋបាលស្រុកបន្ទាយស្រីបានសម្រេចបិទសកម្មភាពទាំងនេះក្នុងពេលកន្លងមក»។ សូមរម្លឹកថា ពូឃ្លាំង បានសាងភាពល្បីល្បាញតាមរយៈបទចម្រៀងដូចជា «សិល្បៈដូនតា» «ខ្ញុំមានដំណឹងល្អ» «ក្រមុំខ្មែរ» « Mr ការលុងបុង» និងបទ«យុវជនខូចចិត្ដ» ហើយការត្រលប់មកលើកនេះពូឃ្លាំង ក៏ត្រៀមបទជាបន្តបន្ទាប់សម្រាប់មហាជននាពេលខាងមុខផងដែរ៕ ...
សិល្បៈកម្សាន្ត

មិនធម្មតាបទចម្រៀង«អស់ពេលស្តាយក្រោយ» អេង ស្រីអូន ផ្ទុះកក្រើកដល់យុវវ័យកូរ៉េ

9 ម៉ោងមុន
9 ម៉ោងមុន

មិនធម្មតាបទចម្រៀង«អស់ពេលស្តាយក្រោយ» អេង ស្រីអូន ផ្ទុះកក្រើកដល់យុវវ័យកូរ៉េ

សិល្បៈកម្សាន្ត
បទចម្រៀងមនោសញ្ចេតនាមួយបទពីតារាចម្រៀង អេង ស្រីអូន មានចំណងជើង ថា«អស់ពេលស្តាយក្រោយ»កំពុងផ្ទុះកក្រើកពេញបណ្តាញសង្គម TikTok យ៉ាងខ្លាំង ពោលគឺមិនត្រឹមតែមានមិត្តៗយុវវ័យក្នុងស្រុកទេ ដែលគាំទ្រ យកបទចម្រៀងមួយនេះទៅលេងក្នុងបណ្តាញសង្គមរបស់ ចិន  TikTok ទេសូម្បីតែក្រុមយុវវ័យ ដែលជាជនជាតិកូរ៉េ ក៏បានយកបទចម្រៀងល្បីមួយនេះទៅថតលេងកម្សាន្តផងដែរ។ តាមរយៈសំនៀងដ៏ពីរោះ គួបផ្សំជាមួយអត្ថន័យចាក់ដោតអារម្មណ៍អ្នកស្តាប់ រីឯអ្នកចម្រៀងទៀតសោត ក៏ដាក់មនោសញ្ចេតនាបានល្អ កាន់តែអង្រួន ឱ្យបទចម្រៀងមួយនេះ ឡើងដល់ចំណុចខ្ពស់សាយភាយដល់អ្នកស្តាប់ទាំងក្នុង និងក្រៅប្រទេសថែមទៀត។   គួរបញ្ជាក់ដែរថា បទចម្រៀង«អស់ពេលស្តាយក្រោយ» របស់កញ្ញា អេង ស្រីអូន ដែលកំពុងទទួលបានការចាប់អារម្មណ៍ពីមហាជននេះដែរ ជាស្នាដៃនិពន្ធទំនុកច្រៀងរបស់លោក ឡុង សំណាង និងជាកម្មសិទ្ធចេញលក់របស់ផលិតកម្ម Zone Production ហើយមួយរយៈចុងក្រោយនេះ តារាចម្រៀង អេង ស្រីអូន ក៏ធ្លាប់ផ្ទុះកក្រើកតាមរយៈបទចម្រៀងមានដូចជា «អូនមិនមែនជាធនាគារ » , «ថែអូនផងទាន់អូននៅស្រលាញ់» រួចទាំងបទចម្រៀងជាច្រើនទៀតផងដែរ។ គួររំលឹកដែរថា មុននឹងឈានមកដល់ចំណុចនេះកញ្ញា អេង ស្រីអូន ធ្លាប់ជាតារាច្រៀងនៅតាមបណ្តាភោជនីដ្ឋាន និង Pub ព្រមទាំងបានចូលរួមប្រកួតប្រជែងនៅក្នុងកម្មវិធី Cambodia Idol រដូវកាលទី១ ក្នុងឆ្នាំ២០១៥ ជាម្ចាស់ពានរង្វាន់លេខ២ លើការប្រកួតកម្មវិធីពេជ្រកំពុងច្នៃ ឆ្នាំ២០១៨ ខណៈរូបនាងបានប្រឡូកក្នុងវិស័យសិល្បៈអស់រយៈពេលជាង១០ឆ្នាំមកហើយ៕ ...
សិល្បៈកម្សាន្ត

ខួបកំណើតឆ្នាំ Dj Push ញញឹមពព្រាយ ទទួលបានកាដូពិសេសពីភរិយា

11 ម៉ោងមុន
11 ម៉ោងមុន

ខួបកំណើតឆ្នាំ Dj Push ញញឹមពព្រាយ ទទួលបានកាដូពិសេសពីភរិយា

សិល្បៈកម្សាន្ត
នៅថ្ងៃកំណើតគម្រប់វ័យ ៣៦ឆ្នាំ តារាឯកប្រុសជួរមុខប្រទេសថៃ Dj Push ទទួលបានកាដូពិសេសពីភរិយា ថែមទាំងពោលសម្ដីផ្អែមល្ហែមទៀតផង។ បន្ទាប់ពីរៀបការ Dj Push និង តារាសម្ដែងស្រី Jooy Warattaya មានសេចក្ដីសុខខ្លាំង និងភាពផ្អែមល្ហែមជាងមុនទ្វេដង បន្ទាប់ពីអ្នកទាំងពីរអាចមានកូនដោយជោគជ័យស្របជាមួយនឹងក្ដីរំពឹងមករយៈពេល ៣ ឆ្នាំ។  តារាស្រី Jooy បានសរសេររឿងរាប់ថា ៖ «រីករាយថ្ងៃកំណើតណាលោកប៉ារបស់អូន PJ តូច អរគុណដែលតែងនៅក្បែរកន្លងមក។ ជាពិសេស រយៈពេល ៣ ឆ្នាំកន្លងមក អំឡុងពេលដែលពួកយើងព្យាយាមមានកូនជាមួយគ្នា។ ហើយកាដូនៅឆ្នាំនេះ អូនជឿជាក់ថា លោកប៉ានឹងសប្បាយរីករាយបំផុត។ អូនសន្យានឹងមើលថែ PJ តូចរបស់យើងជារៀងរាល់ថ្ងៃ ឱ្យបានល្អបំផុត។ សូមឱ្យបងមានសុខភាពល្អ មានសុភមង្គល។ ស្រឡាញ់បងជាទីបំផុត @push_dj #pushbd2022 »។  ដោយឡែក Dj Push បានឆ្លើយតបនៅក្នុង  Comment វិញថា “គួរឱ្យស្រឡាញ់ជាទីបំផុតណា អ្នកម្ដាយ កាដូដែលល្អបំផុតក្នុងជីវិតតែម្ដង❤️❤️❤️»។ ដំណឹងនេះបានធ្វើឱ្យអ្នកគាំទ្រ និងមិត្តភ័ក្ដនៅក្នុងចង្កោមសិល្បៈ ចូលរួមអបអរអ្នកទាំងពីរ៕ ...
សិល្បៈកម្សាន្ត

Brad Pitt រងការបញ្ឆោតរឿងជីករកកំណប់មាសក្រោមដីក្នុងចំការទំពាំងបាយជូរនៅប្រទសបារាំង

11 ម៉ោងមុន
11 ម៉ោងមុន

Brad Pitt រងការបញ្ឆោតរឿងជីករកកំណប់មាសក្រោមដីក្នុងចំការទំពាំងបាយជូរនៅប្រទសបារាំង

សិល្បៈកម្សាន្ត
នៅទីបំផុត Brad Pitt បានចេញមកសារភាពថា លោកបានរងការបញ្ឆោត និងចំណាយពេលស្ទើរតែពេញមួយឆ្នាំ ក្នុងការជីកយករ៉ែមាសជាច្រើននៅក្រោមដីក្នុងចំការទំពាំងបាយជូរផ្ទាល់ខ្លួនរបស់លោកក្នុងប្រទេសបារាំង ប៉ុន្តែនៅទីបំផុតលោករកមិនបានអ្វីទាល់តែសោះទើបដឹងចាញ់បោកគេ។ តារាសម្តែងវ័យ ៥៨ ឆ្នាំរូបនេះ បានបង្ហើបប្រាប់ទស្សនាវដ្ដី GQ នៅពេលលោកបានថតរូបភាពសម្រាប់ក្របទស្សនាវដ្ដីក្នុងខែសីហាខាងមុខនេះ ដោយលោកថា  លោកត្រូវគេបោកបញ្ឆោត ពីបុរសម្នាក់ដែលកប់មាសនៅក្រោមចំការទំពាំងបាយជូររបស់លោកនៅប្រទេសបារាំង។ ព្រោះតែលោកទទួលបានដំណឹងថា អតីតម្ចាស់ជាម្ចាស់ចំការនោះ បានលួចមាសតម្លៃរាប់លានដុល្លារនៅក្រោមដីក្នុងចំការទំពាំងបាយជូររបស់លោកនាពេលបច្ចុប្បន្ន។ Brad Pitt បានបន្តទៀតថា លោកព្យាយាម ស្វែងរកមាសនោះជិតមួយឆ្នាំហើយ ប៉ុន្តែនៅទីបំផុតលោកបានមកវិញតែវត្ថុរាវ។ ទោះបីជាដូច្នេះក៏ដោយ Brad នៅតែមានគំនិតសុទិដ្ឋិនិយមដោយលោកថា ការស្វែងរកកំណប់មាសនៅក្រោមដីជារឿងបោកបញ្ឆោតក៏ពិតមែន តែលោកហាក់មានអារម្មណ៍រំភើបក្នុងការស្វែងរកវា។ ដោយឡែក ក្នុងរឿងចំការទំពាំងបាយជូរនេះដែរ Brad Pitt ធ្លាប់ឆេះកំហឹងដាក់ Angelina Jolie មាន បំណង បំផ្លាញ ក្រុម ហ៊ុន ស្រា ទំពាំង បាយ ជូ រ ដែលមាន ភាគ ហ៊ុន របស់ នាង ឱ្យ ទៅ អ្នកក្រុមហ៊ុនដទៃដែល មិនស្គាល់ប្រ វត្តិ និងចង់ត្របាក់យកក្រុមហ៊ុនស្រាទំពាំងបាយជូរនេះទាំងមូលផងដែរ៕ ...
សិល្បៈកម្សាន្ត

សុខ ពិសី បរិច្ចាគ៣ពាន់ដុល្លារ ខណៈ តន់ ចន្ទសីម៉ា បរិច្ចាគ១ពាន់ដុល្លារ ដើម្បីដោះស្រាយបញ្ហាមីននៅកម្ពុជា

មួយថ្ងៃមុន
មួយថ្ងៃមុន

សុខ ពិសី បរិច្ចាគ៣ពាន់ដុល្លារ ខណៈ តន់ ចន្ទសីម៉ា បរិច្ចាគ១ពាន់ដុល្លារ ដើម្បីដោះស្រាយបញ្ហាមីននៅកម្ពុជា

សិល្បៈកម្សាន្ត
តារារូបស្រស់កញ្ញា សុខ ពិសី ស្ថិតនៅក្នុងទ្រនំ សាន់ដេ រួមទាំង តារាចម្រៀងស្រករក្រោយឡើងកូតស្រឺតៗមិនចាញ់រៀមច្បងកញ្ញា តន់ ចន្ទសីម៉ា បានចូលរួម បរិច្ចាគថវិកាផ្ទាល់ខ្លួនម្នាក់ៗខ្ទង់ពាន់ដុល្លារ ដើម្បីចូលរួមជាមួយថ្នាក់ដឹកនាំ ក្នុងយុទ្ធាការដោះស្រាយបញ្ហាមីន។ ក្នុងនោះ តារាចម្រៀងសំនៀងផ្អែម និងជាម្ចាស់មុខជំនួញតែគុជ សុខ ពិសី បានចូលរួមបរិច្ចាគថវិកាចំនួន៣ពាន់ដុល្លារ ខណៈដែលគ្រាប់ពេជ្រប្រចាំផលិតកម្ម កាឡាក់ស៊ីណាវ៉ាត់ត្រា កញ្ញា តន់ ច័ន្ទសីម៉ា  បានចូលរួមបរិច្ចាគថវិកាចំនួន១ពាន់ដុល្លារ តបការអំពាវនាវរបស់ថ្នាក់ដឹកនាំក្នុងយុទ្ធាការដោះស្រាយបញ្ហាមីននៅទូទាំងប្រទេសកម្ពុជា។ គួរបញ្ជាក់ផងដែរថា ការអំពាវនាវរបស់សម្តេចធ្វើឡើងបន្ទាប់ពីសម្តេច ទទួលបានរបាយការណ៍ពីស្ថានភាព នៃការគំរាមកំហែងយ៉ាងខ្លាំងដោយគ្រាប់មីនចំពោះប្រជាពលរដ្ឋ ក្នុងឱកាសសម្តេចអញ្ជើញលែងកូនត្រី នៅឃុំប៉ោយចារ ស្រុកភ្នំស្រុក ខេត្តបន្ទាយមានជ័យ កាលពីព្រឹកថ្ងៃទី០១ ខែកក្កដា ឆ្នាំ២០២២។ ជាការឆ្លើយតបការអំពាវនាវរបស់រដ្ឋាភិបាល បណ្តាអ្នកសិល្បៈ រួមទាំងអ្នកឧកញ៉ា  ជាច្រើនរូប  និងបុគ្គលល្បីៗសម្រុកចូលរួមបរិច្ចាគជាមួយថ្នាក់ដឹកនាំគ្រប់ៗគ្នា៕ ...
សិល្បៈកម្សាន្ត

Miss Supranational Cambodia 2022 អ៊ិន លក្ខិណា ហោះទៅប្រកួតយឺតមែន តែកម្លាំងចិត្តមានពេញខ្លួន !

មួយថ្ងៃមុន
មួយថ្ងៃមុន

Miss Supranational Cambodia 2022 អ៊ិន លក្ខិណា ហោះទៅប្រកួតយឺតមែន តែកម្លាំងចិត្តមានពេញខ្លួន !

សិល្បៈកម្សាន្ត
ភ្នំពេញ ៖ បេក្ខនារីដែលចូលរួមប្រកួតក្នុងកម្មវិធី Miss Supranational 2022 បានជួបជុំគ្នាអស់ហើយនៅប្រទេស ប៉ូឡូញ ដើម្បីត្រៀមខ្លួនប្រលងនៅវគ្គផ្តាច់ព្រ័ត្រនៅពាក់កណ្តលខែ កក្កដា នេះ ។ ដោយឡែក កញ្ញា អ៊ិន លក្ខិណា ទើបតែហោះទៅចូលរួមប្រកួតកាលពីថ្ងៃទី ០៣ ខែ កក្កដា ឆ្នាំ ២០២២ នេះប៉ុណ្ណោះ ។ កញ្ញា អ៊ិន លក្ខិណា ត្រូវបានជ្រើសរើសជាបេក្ខនារី Miss Supranational Cambodia 2022 តំណាង កម្ពុជា ចេញទៅប្រកូតក្នុងកម្មវិធី Miss Supranational 2022 ដែលរៀបចំឡើងនៅប្រទេស ប៉ូឡូញ ។ បេក្ខនារីដែលចូលរួមប្រកួតដែលមកពីបណ្តាប្រទេសផ្សេងៗបានជួបជុំគ្នាអស់ហើយតាំងពីបំណាច់ខែ មិថុនា ឆ្នាំ ២០២២  នៅឡើយទេ កញ្ញា អ៊ិន លក្ខិណា ម្នាក់ប៉ុណ្ណោះ នៅពុំទាន់បានចេញទៅជួបជុំតាមពេលវេលាដែលបានកំណត់។ ជាក់ស្តែងប៉ុន្មានថ្ងៃមុននេះមានរឿងចម្រុងចម្រាសជាច្រើនថា កញ្ញា អ៊ិន លក្ខិណា មិនអាចចេញទៅប្រកួតក្នុង កម្មវិធី  Miss Supranational 2022 បានទេ ព្រោះដល់ថ្ងៃចេញទៅប្រកួតហើយ តែនាងបែរជាមិនទាន់ ទទួលបាន វីសា ពីស្ថានទូតទៀត ។  ទោះបីជាមានការយឺតយ៉ាវក្នុងការចេញទៅប្រកួត តែកញ្ញា អ៊ិន លក្ខិណា នៅតែស្វះស្វែង និង ត្រៀមខ្លួនចេញទៅប្រកួត  Miss Supranational 2022 ដែលរៀបចំឡើងនៅប្រទេស ប៉ូឡូញ ។  កញ្ញា អ៊ិន លក្ខិណា បានហោះទៅប្រទេស ថៃ កាលពីថ្ងៃទី ០៣ ខែ កក្កដា ឆ្នាំ ២០២២ ដើម្បីសុំ វីសា នៅទូត ប៉ូឡូញ ប្រចាំនៅទៅទីនោះពីព្រោះស្រុក ខ្មែរ យើងមិនមានទូត ប៉ូឡូញ ឡើយ ដូច្នេះហើយទើបមានការយឺតយ៉ាវបន្តិច ពេលទទួលបានវីសារួចហើយ អ៊ិន លក្ខិណា បន្តចេញទៅប្រទេស ប៉ូឡូញ ដើម្បីចូលរួមប្រកួតតែម្តង ។   ស្របពេលចេញទៅប្រកួតនេះ កញ្ញា អ៊ិន លក្ខិណា មានអារម្មណ៍ភ័យអរៗ តែនាងនៅតែផ្តល់កម្លាំងចិត្តដល់ខ្លួនឯង ត្រូវរឹងមាំ និងចូលរួមប្រកួតដល់ទីបញ្ចប់ ។   បើតាមគម្រោងការប្រកួត Miss Supranational 2022  រៀបចំឡើងនៅប្រទេស ប៉ូឡូញ នឹងឈានចូលវគ្គប្រកួតផ្តាច់ព្រ័ត្រ នៅថ្ងៃ ១៥ ខែ កក្កដា ឆ្នាំ ២០២២ ខាងមុខ៕ ...
សិល្បៈកម្សាន្ត

ឈប់ពីសិល្បៈ​ ១ ឆ្នាំ អតីតតារាសម្តែង ស៊ីម ស្រីនិច បង្ហោះសារប្លែកៗហាក់ដូចជាមានរឿងស្នេហា មិនសមបំណង !

3 ថ្ងៃមុន
3 ថ្ងៃមុន

ឈប់ពីសិល្បៈ​ ១ ឆ្នាំ អតីតតារាសម្តែង ស៊ីម ស្រីនិច បង្ហោះសារប្លែកៗហាក់ដូចជាមានរឿងស្នេហា មិនសមបំណង !

សិល្បៈកម្សាន្ត
ភ្នំពេញ ៖ អតីតតារាសម្តែង ស៊ីម ស្រីនិច បានបោះបង់អាជីពសិល្បៈចោលមួយឆ្នាំហើយ ក្រោយពីសាងកេរ្តិ៍ឈ្មោះក្នុងសិល្បៈបាន ៦ ឆ្នាំ ។ អ្វីដែលគួរឱ្យចាប់អារម្មណ៍នៅក្នុងពេលនេះគឺនាងតែងតែបង្ហើរអារម្មណ៍មិនសប្បាយចិត្តហាក់ដូចជាមានបញ្ហាអ្វីកើតឡើងចំពោះខ្លួន ជាពិសេសតាមរយៈសំណេរ ថ្មីមួយដែលនាងទើបបង្ហោះកាលពីម្សិលមិញ មើលទៅដូចជាស្នេហានាងកំពុងមានបញ្ហា ។ ខ្លឹមសារនៅក្នុងសំណេរដែលអតីតតារាសម្តែង ស៊ីម ស្រីនិច បានបង្ហោះនោះបានរៀបរាប់ថា « សូមអោយការស្រលាញ់រវាងខ្ញុំនឹងបងជឿទុកចិត្តគ្នាដោយភក្តីភាព នឹងភាពត្រឹមត្រូវមួយ នៅឆ្ងាយពីគ្នាយូរប៉ុណ្ណា រឺបែបណាក៍ខ្ញុំមិនដែលភ្លេចម៉ោងបងញុំាបាយនឹងម៉ោងបងសម្រាកដែរ សង្ឃឹមបងនឹងមានចិត្តអាណិតមេត្តាដល់ស្នេហាមួយនេះដោយការទុកចិត្តខ្ពស់បំផុត ដូចដែលខ្ញុំមានចំពោះបង មិនឧស្សាហ៍ផុសរូបមិនមែនឈប់ស្រលាញ់រឺចិត្តងាករ៉េទេ ខ្ញុំបានជួបរឿងយ៉ាងច្រើនអោយខ្ញុំទទួលបានបទពិសោធន៍យ៉ាងច្រើនដូចគ្នាកន្លងមក គ្រប់រឿងដែលឆ្លងកាត់ធ្វើអោយខ្ញុំលែងចេះនិយាយស្តីច្រើនទៅអ្នកណាដូចមុនតែប៉ុណ្ណោះ ស្រលាញ់ហើយគោរព » ។ ទោះបីជាខ្លឹមសារបង្កប់ទៅដោយរឿងអ្វីក៏ដោយ សម្រាប់មិត្តរួមអាជីពបានផ្ញើសារជូនពរនាងមាន សុភមង្គល ។ អតីតតារាសម្តែង ស៊ីម ស្រីនិច សុំមិននិយាយអ្វីទាក់ទងទៅរឿងជីវិតរបស់ខ្លួន ពីព្រោះនាងបានប្រកាសឈប់ពីសិល្បៈតាំងពីឆ្នាំមុនមកម្ល៉េះ ដូច្នេះពេលនេះនាងសុំប្រើជីវិតឯកជន រស់នៅធម្មតា ។តាំងពីប្រកាសឈប់ពីសិល្បៈ ស៊ីម ស្រីនិច កម្រលេចមុខក្នុងកម្មវិធីជួបជុំមិត្តសិល្បករណាស់ ខុសប្លែកសិល្បករផ្សេង ទោះបីជាពួកគេឈប់ពីសិល្បៈ តែពួកគេតែងតែជួបគ្នានៅក្នុងពិធីនានា ។ ស៊ីម ស្រីនិច មិនមានបំណងនឹងវិលត្រឡប់មកកាន់វិស័យសិល្បៈវិញដែរនៅក្នុងពេលនេះ ពីព្រោះនាងជីវិតនាងរស់ នៅសុខស្រួលហើយ មិនខ្វល់ពីរឿងអស់ប្រាក់ចាយនោះទេ ៕    ...
សិល្បៈកម្សាន្ត

តារាចម្រៀង អ៊ីវ៉ា ជឿជាក់ខ្លាំងលើស្នេហាខ្លួនហើយត្រៀមនឹងធ្វើជាកូនក្រមុំនៅឆ្នាំ ២០២៣

3 ថ្ងៃមុន
3 ថ្ងៃមុន

តារាចម្រៀង អ៊ីវ៉ា ជឿជាក់ខ្លាំងលើស្នេហាខ្លួនហើយត្រៀមនឹងធ្វើជាកូនក្រមុំនៅឆ្នាំ ២០២៣

សិល្បៈកម្សាន្ត
ភ្នំពេញ ៖ ឆ្នាំ ២០២៣ ខាងមុខ តារាចម្រៀង អ៊ីវ៉ា ចូលវ័យ ៣០ ឆ្នាំហើយ ហើយក៏ជាពេលវេលាល្អសម្រាប់នាង ដើម្បីសាងជីវិតគ្រួសារដែរ ក្រោយពីបានស្រឡាញ់និងមើលចិត្តគ្នាជាមួយបុរសម្នាក់ ។ តារាចម្រៀង អ៊ីវ៉ា បានដៅខ្លួនឯងថា នឹងរៀបការនៅពេលខ្លួនមានវ័យ ៣០ ឆ្នាំ ដូច្នេះសល់តែជាងកន្លះឆ្នាំទៀតនាងចូលវ័យដែលខ្លួនចង់រៀបការហើយ នាងបានត្រៀមខ្លួនរួចជាស្រេចដើម្បីធ្វើជាកូនក្រមុំ ។ ទោះបីជាប្រកាសថានឹងចូលរោងការនៅឆ្នាំក្រោយក៏ពិតមែន តែតារាចម្រៀង អ៊ីវ៉ា មិនបានបង្ហាញមុខ ឬរូបថត Pre Wedding ជាមួយគូស្នេហ៍ខ្លួនឱ្យទស្សនិកជនបានស្គាល់នៅឡើយទេ នាងថា ចាំជិតដល់ថ្ងៃទើបបង្ហាញ ដើម្បីឱ្យមានការភ្ញាក់ផ្អើល ។ គួស្នេហ៍របស់ អ៊ីវ៉ា ត្រូវបានគេស្គាល់ថា ជាអ្នករកស៊ីម្នាក់ដែលមានភាគហ៊ុននៅក្នុងក្លឹបបាល់ទាត់មួយ  អ៊ីវ៉ា មានការជឿជាក់ខ្លាំងលើស្នេហាខ្លួន រហូតហ៊ានបង្ហាញនូវអារម្មណ៍ពិតនិងពេលវេលាដែលចង់រៀបការ ខុសប្លែកបីសិល្បការីនីមួយចំនួន ។ ទស្សនិកជនជាច្រើនកំពុងរងចាំមើលតារាចម្រៀង អ៊ីវ៉ា ស្លៀកឈុតមង្គលការ ។ អ៊ីវ៉ា ជាតារាចម្រៀងប្រចាំនៅក្នុងផលិតកម្ម សាន់ដេ កន្លងមកនាងមានបទចម្រៀងល្បីៗជាច្រើនបំពេរ អារម្មណ៍ទស្សនិកជន តែចុងក្រោយនេះពុំឃើញបទចម្រៀងណាមួយដែលធ្វើឱ្យនាងលេចធ្លោនោះទេ ផ្ទុយទៅវិញ អ៊ីវ៉ា បែរជាងាកទៅពង្រឹងអាជីវកម្មរកស៊ីលក់សម្លៀកបំពាក់វិញ ។ ទោះជាយ៉ាងនេះក្តី អ៊ីវ៉ា នៅតែបន្តអាជីពចម្រៀង និងចេញសម្តែងតាមបណ្តា ខនសឺត តាមខេត្តក្រុងដូចមុនដដែល ៕    ...
សិល្បៈកម្សាន្ត

ពៅ លីដា ស្អាតប្លែកខ្លាំងក្នុងឆ្នាំនេះ តែនៅពុំទាន់មានតម្រុយស្នេហ៍ !

4 ថ្ងៃមុន
4 ថ្ងៃមុន

ពៅ លីដា ស្អាតប្លែកខ្លាំងក្នុងឆ្នាំនេះ តែនៅពុំទាន់មានតម្រុយស្នេហ៍ !

សិល្បៈកម្សាន្ត
ភ្នំពេញ ៖  រាល់ពេលទៅចូលរួមកម្មវិធីជួបជុំម្តងៗ ពៅ លីដា កម្របណ្តើរបុរសប្លែកមុខណាម្នាក់ទៅជាមួយខ្លូន ណាស់ ភាគច្រើននាងទៅម្នាក់ឯង ឬទៅជាមួយប្អូនប្រុស ពៅ ពិសិដ្ឋ តែប៉ុណ្ណោះ ។ ជាមួយគ្នានោះក៏មានទស្សនិកជនជាច្រើនចង់ឃើញតារាស្រីរូបនេះបណ្តើរគូស្នេហ៍ និងស្លៀករ៉ូបរៀបការ ។ ចំពោះរឿងគូស្រករ ពៅ លីដា នៅតែអះអាងថា ខ្លួនពុំទាន់រកឃើញបុរសក្នុងក្តីស្រមៃ ដូច្នេះហើយទើបមិនទាន់គិតគូរឿងរៀបការ ពេលដែលរកឃើញហើយ នាងនឹងប្រកាសឱ្យទស្សនិកជនបានដឹងភ្លាមៗពីព្រោះនាងក៏ចង់រៀបការមានគ្រួសារដែរ ។ ពៅ លីដា ជាតារាសម្តែងលេចធ្លោមួយរូប តែរយៈពេលប៉ុន្មានឆ្នាំចុងក្រោយនេះនាងបាត់មុខឈឹងពីសិល្បៈ រហូតធ្វើឱ្យទស្សនិកជនគិតថា ពៅ លីដា ឈប់សន្សំប្រាក់កាក់ល្អិតនេះទៀតហើយ ពីព្រោះនាងមានមុខរបររកស៊ីជាច្រើននៅក្នុងដៃ ជាពិសេសនាងមានដីធ្លីជាច្រើនកន្លែង ពេលលក់ម្តងៗមាន ប្រាក់រាប់សែនដុល្លារក្នុងដៃ ។ ទោះជាយ៉ាងនេះក្តី ពៅ លីដា នៅតែនិយាយថា នាងមិនបានឈប់ពីសិល្បៈទេ នាងនៅតែបន្តអាជីពនេះដូចដើម គ្រាន់តែប៉ុន្មានឆ្នាំមុននាង គៀបធ្មេញដែក ទើបនាងមិនទទួលការងារសម្តែង តែពេលនេះ នាងបានដោះដែកចេញពីធ្មេញហើយ ដូច្នេះចាប់ផ្តើមទទួលការងារសិល្បៈឡើងវិញ ហើយឆាប់ៗខាងមុខទស្សនិកជននឹងឃើញវត្តមានថ្មីរបស់នាងក្នុងរឿងដុំ និង ភាគជាបន្តបន្ទាប់ ។ ចាប់តាំងពី ពៅ លីដា ដោះដែកចេញពីធ្មេញ ធ្វើឱ្យទម្រង់មុខនាងប្រែប្រួល ស្រស់ស្អាតជាងមុនទ្វេដង រហូតត្រូវបានក្រុមហ៊ុនផលិតផល និងសំអាងការជាច្រើនចាប់អារម្មណ៍ហៅនាងថតជាបន្តបន្ទាប់ ដូច្នេះហើយទើប ពៅ លីដា សុំពេលចេញកើបលុយ មុននឹងរៀបការ ៕...
សិល្បៈកម្សាន្ត

 សេង សុខឃីម ទម្លាយប្រាប់តម្លៃខ្លួនពិតលោក ចឺម ខ្ពស់កប់ពពក

4 ថ្ងៃមុន
4 ថ្ងៃមុន

 សេង សុខឃីម ទម្លាយប្រាប់តម្លៃខ្លួនពិតលោក ចឺម ខ្ពស់កប់ពពក

សិល្បៈកម្សាន្ត
ភ្នំពេញ ៖ ថ្មីៗនេះ Lee News បានចេញផ្សាយព័ត៌មានថា ប្រជាប្រិយភាពលោក ចឺម និងលោក សង្សាវរីយ ត្រូវបានគេសម្លឹងឃើញថា កំពុងដើរទន្ទឹមគ្នានៅលើទផ្សារ ខនសឺតក្នុងស្រុក ដោយមានប្រភពព័ត៌មានពីបុគ្គលិកនៅក្នុងផលិតកម្ម សាន់ដេ បានទម្លាយចេញពីតម្លៃខ្លួនចេញសម្តែងរបស់អ្នកទាំងពីរ គឺប្រហាក់ប្រហែលគ្នា ពោលគឺពួកគេចេញសម្តែងមួយកម្មវិធីតម្លៃ ១ ៥០០ ដុល្លារ។ ព័ត៌មាននេះធ្វើឲ្យលោក ចឺម និងអ្នកនាង សេង សុខឃីម ជាសង្សារ បានប្រតិកម្មជាខ្លាំង ដោយពួកគេបានច្រានចោលទៅនឹងតួលេខដែលយើងទទួលបានទាំងនោះ។ អ្នកនាង សេង សុខឃីម បានប្រាប់មក Lee News ថា “មួយរយៈមកនេះសម្រាប់ប្រជាប្រិយភាពបង ចឺម គឺមិនធ្លាក់ចុះដូចការមើលឃើញពីមហាជននោះទេ ព្រោះគាត់នៅតែទទួលបានការងារច្រើនដូចសព្វមួយដងទេបង” អ្នកនាងបន្តថា “ធម្មតាទេបងកាលពីសម័យជំងឺកូវីដ១៩ រីករាលដាល់ខ្លាំងតារាណាក៏ដូចតារាណាដែរ គឺមិនសូវទទួលបានការងារសម្តែង ព្រោះកម្មវិធីត្រូវបិទទាំងអស់ ហើយពេលស្ថានភាពជំងឺនេះប្រសើឡើងវិញបង ចឺម គាត់មានការងារចេញសម្តែងច្រើន ដូចមុនកូវីដអីចឹងបង”។ សង្សារលោក ចឺម បន្តទៀតថា “បើនិយាយពីតម្លៃខ្លួនបង ចឺម ក្នុងការចេញសម្តែងម្តងៗ គឺមិនមែនមានតម្លៃ ១ ៥០០ ដុល្លារ ដូចព័ត៌មានដែលមានគេនិយាយនោះទេបង ពោលគឺតម្លៃខ្លួនបង ចឺម យ៉ាងតិចក៏ចាប់ពី ២ ០០០ ដុល្លារ រហូតដល់ ៣ ៥០០ ដុល្លារក្នុងមួយកម្មវិធីដែរ ដូច្នេះហើយសម្រាប់អ្នកនិយាយថា តម្លៃខ្លួនបង ចឺម ទទួលបានត្រឹម ១ ៥០០ ដុល្លារនោះ គឺមិនពិតទេបង ហើយខ្ញុំក៏សូមច្រានចោលផងដែរ” ។ សម្រាប់ព័ត៌មានខាងលើនេះលោក ចឺម ក៏បានចេញមុខបញ្ជាក់តាមរយៈសារឆ្លើយតបមក Lee News ដែរថា សម្រាប់រឿងនេះលោកមិនអាចទទួលយកបានទេ ព្រោះ សង្សាវរីយ ជាសិស្សប្អូនរបស់លោក ហើយរឿងពិតលោកបានដឹងច្បាស់ តែដល់ពេលមានគេនិយាយថា តម្លៃខ្លួនរូបគេទាំងពីរ ស្មើ ឬប្រហាក់ប្រហែលគ្នានោះ លោកទទួលយកមិនបានទេ។  ...
សិល្បៈកម្សាន្ត

ប៉ាច គីមមួយ និង ស៊យ រតនៈ ដឹកដៃគ្នាធ្វើពិធីភ្ជាប់ពាក្យថ្ងៃនេះ បំពេញក្តីស្រមៃជាង ៧ ឆ្នាំ !

4 ថ្ងៃមុន
4 ថ្ងៃមុន

ប៉ាច គីមមួយ និង ស៊យ រតនៈ ដឹកដៃគ្នាធ្វើពិធីភ្ជាប់ពាក្យថ្ងៃនេះ បំពេញក្តីស្រមៃជាង ៧ ឆ្នាំ !

សិល្បៈកម្សាន្ត
ភ្នំពេញ ៖ ទីបំផុត ប៉ាច គីមមួយ និង ស៊យ រតនៈ បានដឹកដៃគ្នាចូលរោងភ្ជាប់ពាក្យទៅតាមប្រពៃណី ហើយនៅក្នុងថ្ងៃទី០១ ខែកក្កដា នេះ ។ ក្រោយទទួលស្គាល់ចំណងស្នេហ៍ជាង ៧ របស់ខ្លួនជាសាធារណៈ បានធ្វើឱ្យគូស្នេហ៍គូចម្រៀង ស៊យ រតនៈ និង ប៉ាច គីមមួយ កាន់តែមានសុភមង្គល ហើយទទួលបានការជូនពរពីគ្រួសារ និងមិត្តភក្តិ ហើយចុងក្រោយនេះអ្នកទាំងពីរក៏សម្រេចចិត្តដឹកដៃគ្នាធ្វើពិធីភ្ជាប់ពាក្យទៅតាមប្រពៃណីបំពេញ មុខមាត់គ្រួសារ ។ នៅក្នុងថ្ងៃភ្ជាប់ពាក្យនេះ ប៉ាច គីមមួយ និងលោក ស៊យ រតនៈ មើលទៅពិតជាស្រស់ស្រាយណាស់ ព្រោះជាថ្ងៃដែលអ្នកទាំងពីរតែងតែស្រមៃជាយូរមកហើយ ។ ប៉ាច គីមមួយ និយាយថា នាងរៀបចំ ត្រឹមពិធីភ្ជាប់ពាក្យប៉ុណ្ណោះ រឿងរៀបការគឺនៅពេលក្រោយ ។ បើតាមប្រភពព័ត៌មានពីអ្នកស្និទ្ធជាមួយ ប៉ាច គីមមួយ បានលួចខ្សិបប្រាប់ថា មូលហេតុដែល ប៉ាច គីមមួយ និង ស៊យ រតនៈ សម្រេចចិត្តភ្ជាប់ពាក្យមុនបែបនេះ ដោយសារ ប៉ាច គីមមួយ ជាស្រីស្អាត និងសប្បូរស្នេហ៍ មានអ្នកតាមនាងរាល់ថ្ងៃ ដើម្បីបញ្ចប់រឿងរ៉ាវទាំងនេះ ស៊យ រតនៈ សម្រេចចិត្តដឹកដៃ ប៉ាច គីមមួយ ភ្ជាប់ពាក្យត្រៀមនឹងរៀបការក្នុងពេលឆាប់ៗ ។ ពេលនេះតារាចម្រៀងកូនកាត់ចិន ប៉ាច គីមមួយ ភ្ជាប់ពាក្យជាផ្លូវការជាមួយលោក ស៊យ រតនៈ ហើយ ច្បាស់ជាមានបុរសៗជាច្រើនខូចចិត្ត និងត្រូវកាត់ចិត្តពីតារាស្រីរូបនេះ ។ គួររំលឹកផងដែរថា ចំណងស្នេហ៍ ប៉ាច គីមមួយ និងលោក ស៊យ រតនៈ បានស្រឡាញ់គ្នាជាង ៧ ឆ្នាំមកហើយ អ្នកទាំងពីបានតស៊ូស្នេហាយ៉ាងលំបាក ទំរាំអាចដឹកដៃគ្នាមកដល់ថ្ងៃនេះ ។ ថ្មីៗនេះអ្នកទាំងពីរថែមទាំងបានទិញផ្ទះរួមគ្នា និង បើកអាជីវកម្មរកស៊ីជាមួយគ្នាទៀតផង ៕...
សិល្បៈកម្សាន្ត

ឆ្នាំងបាយចាស់ CTN មានអ្នកដុតភ្លើងឆេះខ្លោច ធុំក្លិនឆ្ងៀម នាយ ក្រូច រត់ទិញឆ្នាំងថ្មីភ្លាម

5 ថ្ងៃមុន
5 ថ្ងៃមុន

ឆ្នាំងបាយចាស់ CTN មានអ្នកដុតភ្លើងឆេះខ្លោច ធុំក្លិនឆ្ងៀម នាយ ក្រូច រត់ទិញឆ្នាំងថ្មីភ្លាម

សិល្បៈកម្សាន្ត
ភ្នំពេញ ៖ ទីបំផុតតារាកំប្លែងនាយ ក្រូច ម្នាក់ទៀតហើយ ដែលបានសម្រេចចិត្តដើរចេញ ឈប់នឹកស្រណោះទ្រនំចាស់ CTN ខណៈដែលជម្រកមួយនេះ ត្រូវកំដៅជះចូល ធ្វើឱ្យលោកស្អុះស្អាប់ទ្រាំលែងបាន ។ ប៉ុន្តែការសម្រេចចិត្តលែងញ៉ាំបាយឆ្នាំងចាស់ ព្រោះតែមានអ្នកថែមភ្លើងធ្វើឲ្យឆេះខ្លោច ធុំក្លិនឆ្ងៀមនេះ នាយក្រូច ក៏បាននិយាយដែរថា លោកនៅតែត្រូវការអ្នកគាំទ្រ រូបលោក និងសូមជួយជួល ក្រុមភ្លេងអកកេះរបស់លោកផង។  ប៉ុន្មានថ្ងៃមុនតារាកំប្លែង នាង ខ្ញុង ទើបប្រកាសចប់កុងត្រាជាមួយ CTN  ពេលនេះនាយ ក្រូច ក៏ប្រកាសបញ្ចប់កុងត្រានៅទីនោះផងដែរ ។ បើតាមប្រភពព័ត៌មានពីអ្នកស្គាល់គ្នាជាមួយ នាយ ក្រូច បានបង្ហើបប្រាប់ថា នៅមានតារាកំប្លែងជាច្រើនរូបទៀតត្រៀមនឹងចេញពីទីនោះជាបន្តបន្ទាប់ ក្រោយពីមានរឿង ចម្រុងចម្រាសនិងមានសម្ពាធការងារខ្លាំងពីថ្នាក់លើ  ។ តាមរយៈសារ នាយ ក្រូច បង្ហោះលើ ហ្វេសប៊ុក របស់ខ្លួនកាលពីម្សិលមិញនេះលោកបានរៀបរាប់ថា  « ថ្ងៃទី ០១ ខែ ០១ ឆ្នាំ ២០១០ ជាថ្ងៃដែលខ្ញុំប្រលងជាប់នៅ CTN ថ្ងៃទី ២៩ ខែ ០៦ ឆ្នាំ ២០២២ ជាថ្ងៃចុងក្រោយដែលខ្ញុំដើរចេញពី CTN ជួយជួលកំប្លែង និង អកកេសខ្ញុំផងបងប្អូន »។ នាយ ក្រូច ទទួចឱ្យបងប្អូនជួយជួលកំប្លែង និង អកកេសរបស់ខ្លួនផង បើទោះបីជាខ្លួនចាក់ចេញពីការងារកំប្លែងនៅទូរទស្សន៍ក្តី លោកនៅតែបន្តក្នុងអាជីពកំប្លែងដូចមុនដដែល ។ មកទល់ពេលនេះ នាយ ក្រូច ចាប់អាជីពកំប្លែងរយៈពេល ១២ ឆ្នាំហើយ អាជីពនេះបានធ្វើឱ្យជីវិតលោកល្អប្រសើរឡើងមានទាំងកេរ្តិ៍ឈ្មោះ លុយកាក់  និង ផ្ទះសំបែង ដូច្នេះហើយលោកបេ្តជ្ញាចិត្តមិន បោះបង់អាជីពក្នុងក្តីសម្រៃនេះចោលស្រួលៗនោះទេ ៕...
សិល្បៈកម្សាន្ត

ទីបំផុត តារាសម្រៀងសមាជិកក្រុម EXID  នាង Hani ប្រកាសអំពីទំនាក់ទំនងស្នេហា

5 ថ្ងៃមុន
5 ថ្ងៃមុន

ទីបំផុត តារាសម្រៀងសមាជិកក្រុម EXID  នាង Hani ប្រកាសអំពីទំនាក់ទំនងស្នេហា

សិល្បៈកម្សាន្ត
កូរ៉េ៖ ទស្សនិកជនអ្នកស្នេហាវិស័យចម្រៀងយុវវ័យកូរ៉េភាគច្រើនច្បាស់ជាបានស្គាល់ហើយស្រីស្អាតប្រចាំក្រុម EXID គឺ នាង Hani  ដោយមុននេះបន្តិចនាងបានទទួលស្គាល់ និងប្រកាសជាសាធារណៈថា នាងកំពុងមានទំនាក់ទំនងស្នេហាជាមួយវេជ្ជបណ្ឌិតផ្នែកសសៃប្រសាទរូបសង្ហាម្នាក់ឈ្មោះ Yang Jae Woong ។ គិតមកទល់ពេល Hani  មានវ័យ ៣០ឆ្នាំហើយ​ ខណៈដែលគូស្នេហ៍របស់នាងមានវ័យ ៤០ឆ្នាំ ហើយអ្វីដែលកាន់តែធ្វើឱ្យអ្នកគាំទ្រភ្ញាក់ផ្អើលនោះ គឺថាចំណងស្នេហ៍របស់នាងមិនមែនទើបតែចាប់ផ្ដើមទេ ពោលគឺមានរយៈពេល ២ឆ្នាំមកហើយ ។ តាមរយៈភ្នាក់ងាររបស់ Hani បានបញ្ជាក់មុននេះតាមរយៈគេហទំព័រ wikitree ថា «Hani ពិតជាកំពុងមានទំនាក់ទំនងស្នេហាយ៉ាងល្អជាមួយលោក Yang Jae Woong, សូមអ្នកទាំងអស់គ្នាគាំទ្រគេទាំងពីរនាក់ផង» ៕...
សិល្បៈកម្សាន្ត

អបអរសាទរ! តារាសម្តែងកូរ៉េមួយគូទៀតសម្រេចចិត្តចូលរោងការខែក្រោយហើយ

6 ថ្ងៃមុន
6 ថ្ងៃមុន

អបអរសាទរ! តារាសម្តែងកូរ៉េមួយគូទៀតសម្រេចចិត្តចូលរោងការខែក្រោយហើយ

សិល្បៈកម្សាន្ត
កូរ៉េ៖ តារាសម្ដែង Joo Min Ha និងអតីតតារាបង្ហាញម៉ូត Yoo Il នឹងរៀបការខែក្រោយបន្ទាប់ពីស្វែងយល់ចិត្តគ្នាអស់រយៈពេល៤ឆ្នាំ។ យោងតាមរបាយការណ៍របស់ប្រព័ន្ធផ្សព្វផ្សាយបានឱ្យដឹងថាតារាសម្តែង Joo Min Ha និង Yoo Il ជាអតីតអ្នកសិល្បៈមួយរូបគ្រោងនឹងរៀបចំពិធីមង្គលការនៅថ្ងៃទី១៧ ខែកក្កដា ឆ្នាំ២០២២នេះ។ ដំណឹងនេះទៀតសោតក៏ធ្វើឱ្យមហាជនចូលរួមត្រេកអរ និងអបអរសាទរទៅកាន់អ្នកទាំងពីរខណៈក្នុងឆ្នាំនេះ មានតារាល្បីៗជាច្រើនសុទ្ធតែដឹកដៃគ្នាចូលរោងការ។   គួរបញ្ជាក់ផងដែរថា  Joo Min Ho បានបង្ហាញខ្លួនក្នុងឆ្នាំ២០០៦ តាមរយៈរឿងភាគ «Sharp 3» រួមទាំងរឿងមួយចំនួនទៀតមានដូចជា «My Wife Is A» «Super Woman» និង «Voice» ជាដើម។ ចំណែកឯ Yoo Il បានបង្ហាញខ្លួនជាលើកដំបូងក្នុងក្រុមតារាបង្ហាញម៉ូត និងតារាសម្តែង 5urprise ក្នុងឆ្នាំ២០១៣ ព្រមទាំងបង្ហាញខ្លួននៅក្នុងផលិតកម្មដូចជា «Monster», «Evergreen» និងច្រើនទៀត។ ទោះយ៉ាងណាបច្ចុប្បន្ន Yoo Il បាន ចាក ចេញ ពី ឧស្សាហកម្ម កម្សាន្ត ដោយងាកមកកាន់ខាងមុខជំនួញវិញ ហើយក៏ជោគជ័យផងដែរ៕...
សិល្បៈកម្សាន្ត

ព្រោះតែការងារសិល្បៈ រឿន ណាត ចូលពេទ្យទាំងយប់  

6 ថ្ងៃមុន
6 ថ្ងៃមុន

ព្រោះតែការងារសិល្បៈ រឿន ណាត ចូលពេទ្យទាំងយប់  

សិល្បៈកម្សាន្ត
  ភ្នំពេញ ៖ អតីតបវរកញ្ញា ចក្រវាឡ រឿន ណាត បានចូលពេទ្យភ្លាមៗកាលពីយប់មិញនេះ ធ្វើឱ្យអ្នកផ្ទះនិងអ្នកជុំវិញខ្លួននាងមានការព្រួយបារម្ភជាខ្លាំង ។ កញ្ញា រឿន ណាត បានបញ្ជាក់ថា កាលពីប៉ុន្មានម៉ោងមុននេះនៅលើ ហ្វេសប៊ុក  របស់ខ្លួន ថា  « កាលពីយប់មិញ ម៉ោង១០ ខ្ញុំមានអាការៈ ចុកពោះខ្លាំង ពិបាកដកដង្ហើម ទើបខ្ញុំបានសំរេចចិត្តមកពេទ្យ ពេទ្យធើ្វការ អេកូ និងតេស្តឈាម លទ្ធផល គឺ ខ្ញុំ រលាកក្រពះធ្ងន់ នឹងលើសគ្រាប់ឈាមស  ។ ខ្ញុំសូម ផ្តាំផ្ញើរ ដល់បងប្អូន ដែលញាំអត់ទៀងពេល គេងអត់គ្រប់គ្រាន់ ធ្វើការធ្ងន់លើសម៉ោង សូមគិតគូរដល់សុខភាពផង ជៀសវាងធ្ងន់ធ្ងរដូចនាងខ្ញុំ ។ ឥឡូវនេះ នាងខ្ញុំបានសម្រាក នឹងព្យាបាលនៅមន្ទីរពេទ្យ ហើយសូមអរគុណដល់បងប្អូន នឹង fan ដែលបាន ឆាតមកលើកទឹកចិត្ត នឹង ជូនពរ »​ ។ ក្រោយពីឃើញសាររបស់កញ្ញា រឿន ណាត បែបនេះបានធ្វើឱ្យមិត្តភក្តិ និង អ្នកគាំទ្រជូនពរនាងឆាប់ជា ។ ក្រៅពីកញ្ញា រឿន ណាត ក៏មានសិល្បករជាច្រើនរូបទៀតក៏មានបញ្ហា ក្រពះ ធ្ងន់ធ្ងរ រហូតរត់ទៅព្យា​បាលនៅក្រៅប្រទេស ដោយសារម្នាក់ៗប្រឹងធ្វើការងាររហូតពេលបាយភ្លេចទឹក បង្កទៅជាមា​នជំងឺបែបនេះ ។ កន្លងមក កញ្ញា  រឿន ណាត ក៏ធ្លាប់ប្រាប់ផងដែរថា សុខភាពនាងមិនសូវល្អទេ ដោយសារនាងញុំាមិនទៀត គ្រាន់តែកន្លងមកមិនសូវធ្ងន់ធ្ងរ ។ ដោយឡែកលើកនេះវាធ្វើទុកខ្លាំងដូច្នេះហើយទើបប្រញាប់មក ពេទ្យព្យាបាល ។ ស្របពេលសម្រាកព្យាបាលជំងឺ រឿន ណាត បានប្រាប់ពីសុខភាពរបស់ខ្លួនថា ពេលនេះជំងឺនាងបានធូរបន្តិចហើយ តែត្រូវតាមដានបន្ត គ្រូពេទ្យសុំឱ្យនាងសម្រាកព្យាបាលមួយរយៈពេលសិន ។ ចំណែកការងាររបស់នាងមួយចំនួនខ្លះត្រូវបន្ត ខ្លះទៀតក៏ត្រូវផ្អាក ៕    ...
សិល្បៈកម្សាន្ត

ស្ងាត់ៗ មាស សុខសោភា ចេញសំណេរ៥បន្ទាត់ ឲ្យអ្នកគាំទ្រជាង៥លាននាក់ពិចារណា

6 ថ្ងៃមុន
6 ថ្ងៃមុន

ស្ងាត់ៗ មាស សុខសោភា ចេញសំណេរ៥បន្ទាត់ ឲ្យអ្នកគាំទ្រជាង៥លាននាក់ពិចារណា

សិល្បៈកម្សាន្ត
ប៉ុន្មានឆ្នាំមកនេះកំពួលតារាចម្រៀងស្រីប្រចាំប្រទេស មាស សុសោភា មិនទាន់ឃើញចេញបទចម្រៀងថ្មីនៅផលិតកម្មមួយណាបន្តទៀតទេ បន្ទាប់ពីវត្តមានរបស់នាងនៅក្នុងផលិតកម្ម ថោន បានដាច់រយាលមក។ ពោលគឺតារាស្រីទឹកដមសំឡេងគ្មានពីរនាពេលបច្ចុប្បន្ន គ្រាន់តែបង្ហើរសំនៀងយ៉ាងក្រអួន តាមរយៈបទចម្រៀងរៀបរាប់ពីទីទេសចរណ៍ធម្មជាតិ និងបទរបស់ស្ថាប័ណ្ឌ មន្ទីរនានា រួមជាមួយបទចម្រៀងពាក់ព័ន្ធផលិតផលផ្សេងៗតែប៉ុណ្ណោះ។ រូបភាពនេះទោះជាមិនសូវទាក់បានចំណាប់អារម្មណ៍ថ្មីពីសំណាក់ទស្សនិកជនក្តី ប៉ុន្តែប្រជាប្រិយភាព មាស សោភា នៅតែឈរលើកំពួលតារាងក្នុងចំណោមតារាចម្រៀងល្បីប្រចាំប្រទេសដដែល ពោលគឺគ្រប់សកម្មភាពរបស់នាងនៅតែទទួលបានការចាប់អារម្មណ៍ ពីមហាជនគ្រប់ពេល។ ជាក់ស្តែងថ្មីៗខណៈដែល មាស សុខសោភា បានសរសេរសារអប់រំផ្លូវចិត្ត ប្រាំបន្ទាត់នៅលើ Page ហ្វេសប៊ុករបស់ខ្លួន ដែលមានសមាជិកជាង ៥ លាននាក់នោះ នៅតែមានអ្នកចូលរួមសរសេរ Comments បញ្ចេញមតិជាច្រើនជាមួយរូបនាង ដោយមានមតិភាគច្រើនបានកោតសរសើថា នេះជាសារដ៏ល្អថែមទៀតផង។ នេះគឺជាសាររបស់ មាស សុខសោភា “តើអ្វីទៅដែលជាមេរោគនៅក្នុងចិត្តរបស់មនុស្ស? សួរខ្លួនឯងឆ្លើយខ្លួនឯងចា៎ បើសំរាប់ខ្ញុំគឺភាពល្ងង់ខ្លៅក្នុងអន្លង់អវិជា្ជដែលបន្លំនៅក្នុងចិត្តហ្នឹងហើយ ដែលនាំអោយរាងកាយនិងនឹងខួរក្បាល គិតរឿងដែលខុសនឹងបាប ដែលនាំអោយយើងរកឃើញខ្លួនឯងមិនឃើញនោះទេ គឺថាវង្វេងវង្វាន់ជាមួយនិងការចង់បាន តាមការប្រាថ្នារបស់ចិត្ត បញ្ជាមិនចប់មិនចេះហើយនោះទេ បងអូនគិតយ៉ាងណាដែរ សូមខមមិនប្រាប់វិញផង” ។ សារអប់រំចិត្តរបស់ មាស សុខសោភា នេះដែរដ្បិតមិនមែនជាសំណេររបស់បណ្ឌិតក្តី ប៉ុន្តែក៏មានសមាជិកក្នុង Page ជាងប្រាំលាននាក់ បានចូលរួមពិចារណា និងបញ្ចេញនូវការយល់ឃើញបន្ថែមចំពោះសំណេររបស់នាងផងដែរ  ។  ម្យ៉ាងទៀតសំណេរទាំងប្រាំបន្ទាត់របស់ មាស សុខសោភា ខាងលើនេះ ក៏អាចចាត់ទុកថា សារអប់រំផ្លូវចិត្តដ៏ល្អប្រសើមួយ ក្នុងនាមនាងជាតារាច្រៀងលំដាប់កំពួលរបស់ប្រទេសជាតិមួយ ដែលបានព្យាយាមបង្ហាញនូវអ្វីដែលជារូបភាពវិជ្ជមានសម្រាប់អ្នកគាំទ្រ៕ ...
សិល្បៈកម្សាន្ត

កូនស្រីអាយុជិត ២ ឆ្នាំ ឌី សូនីត្តា ទើបដាច់ចិត្តថតឈុតហែលទឹកបង្ហាញរាងជាលើកដំបូង !  

1 សប្ដាហ៍មុន
1 សប្ដាហ៍មុន

កូនស្រីអាយុជិត ២ ឆ្នាំ ឌី សូនីត្តា ទើបដាច់ចិត្តថតឈុតហែលទឹកបង្ហាញរាងជាលើកដំបូង !  

សិល្បៈកម្សាន្ត
  ភ្នំពេញ ៖ តាំងពីសម្រាលកូនមក ឌី សូនីត្តា កម្របង្ហាញខ្លួនក្នុងឈុតសិចស៊ីណាស់ជាពិសេសឈុត ហែលទឹក ដោយឡែកថ្មីៗនេះស្រាប់តែតារាស្រីរូបនេះ ប​ង្ហាញរូបថតឈុតហែលទឹកជាច្រើនសន្លឹក ធ្វើឱ្យអ្នកគាំទ្រសម្លឹងមើលគ្រប់ៗគ្នា ។ ឌី សូនីត្តា ធ្លាប់ជាតារាសម្តែងនិងចម្រៀងល្បីឈ្មោះម្នាក់និងគេម្នាក់ តែចាប់តាំងពីមានគ្រួសារ និងមានកូនរួច នាងមិនទទួលការងារសិល្បៈដូចមុនទេ ដោយសារនាងមមាញឹកនៅក្នុងការងាររកស៊ី លក់ផលិតផល និងមើលសំអាងការខ្លួន ពីព្រោះអាជីពសិល្បៈមិនអាចរកប្រាក់ចំណូលបានច្រើន ដើម្បីចិញ្ចឹមគ្រួសារនោះទេ ។ ក្នុងឈុតសម្លៀកបំពាក់ហែលទឹកនេះ ឌី សូនីត្តា នៅតែមានរូបសម្រស់ស្រស់ស្អាតគួរឱ្យចាប់អារម្មណ៍ សូម្បីតែអ្នកគាំទ្រ ក៏លាន់មាត់សរសើរដែរ ។ ឌី សូនីត្តា បង្ហាញរូបសិចស៊ីក្នុងឈុតហែលទឹកនេះមិនមែនថតផ្សាយពាណិជ្ជកម្មអ្វីនោះទេ នាងគ្រាន់តែថតទុកជាអនុស្សាវរីយ៍ ណាមួយពេលនេះនាងស្រកគីឡូជាងមុន ដូច្នេះហើយទើបនាងថតរូបទុកមើលពេលចាស់ទៅ ។   នេះជាលើកដំបូងនហើយដែល ឌី សូនីត្តា ហ៊ានថតឈុតហែលទឹកបញ្ចេញសាច់បែបនេះក្រោយពី កូនស្រីខ្លួនមានវ័យជិត ២ ឆ្នាំ ។ បើទោះបីជាជាតារាសម្តែង និង ចម្រៀង ឌី សូនីត្តា បានបោះបង់អាជីពសិល្បៈអស់ជាច្រើនឆ្នាំ ប៉ុន្តែនាងនៅតែស្រឡាញ់អាជីពដែលបានធ្វើឱ្យនាងល្បីឈ្មោះ នាងថា បើមានឱកាសនាងនឹងទទួលការងារចាស់ឡើងវិញ ៕ ...
សិល្បៈកម្សាន្ត

អបអរសាទរ! រៀបការបាន៣ខែ Son Ye Jin និង Hyun Bin មានដំណឹងល្អហើយ

1 សប្ដាហ៍មុន
1 សប្ដាហ៍មុន

អបអរសាទរ! រៀបការបាន៣ខែ Son Ye Jin និង Hyun Bin មានដំណឹងល្អហើយ

សិល្បៈកម្សាន្ត
  កូរ៉េ៖ នៅថ្ងៃទី២៧ ខែមិថុនា ឆ្នាំ២០២២ តារាសម្តែងល្បីឈ្មោះ Son Ye Jin ភរិយាតារាសម្តែង Hyun Bin បានប្រកាសនៅលើបណ្តាញសង្គមផ្ទាល់ខ្លួនថា នាងកំពុងពរពោះកូនដំបូង បន្ទាប់ពីរៀបការបាន៣ខែ។ កន្លងមកមហាជនបានសង្ស័យថា គូស្វាមីភរិយា តារាសម្តែងល្បីឈ្មោះខាងលើអាចនឹងមានដំណឹងល្អឆាប់ៗ បន្ទាប់ពីបែកធ្លាយរូបថតអ្នកទាំងពីរកំពុងនៅមន្ទីរពេទ្យ អីលូវនេះបានដឹងការពិតច្បាស់លាស់ហើយថា Son Ye Jin និង Hyun Bin  ជិតក្លាយជាប៉ាម៉ាក់ហើយ ហើយដំណឹងនេះក៏បានធ្វើឱ្យអ្នកគាំទ្រអ្នកទាំងពីររំភើបយ៉ាងខ្លាំង។ សូមបញ្ជាក់ថា អ្នកទាំងពីរបានក្តោបភាពល្បីល្បាញយ៉ាងខ្លាំងតាមរយៈរឿង «Crash Landing On You» រហូតពួកគេបានប្រកាសថាមានទំនាក់ទំនងជាមួយគ្នាកាលពីដើមខែមករា ឆ្នាំ២០២១ និងបានរៀបអាពាហ៍ពិពាហ៍ជាមួយគ្នាកាលពីថ្ងៃទី៣១ ខែមីនា ឆ្នាំ២០២២ ៕ ...
សិល្បៈកម្សាន្ត

 កែវ ស្រីនាង វ័យ៤១ឆ្នាំ កូនស្រីវ័យ ១៧ឆ្នាំ ជួយពិនិត្យនរណាស្អាតជាង

1 សប្ដាហ៍មុន
1 សប្ដាហ៍មុន

 កែវ ស្រីនាង វ័យ៤១ឆ្នាំ កូនស្រីវ័យ ១៧ឆ្នាំ ជួយពិនិត្យនរណាស្អាតជាង

សិល្បៈកម្សាន្ត
  ភ្នំពេញ៖ អាយុគ្រាន់តែជាតួលេខប៉ុណ្ណោះ បើនិយាយពីសម្រស់របស់តារាសម្តែង កែវ ស្រីនាង ពោលគឺអ្នកនាងនៅតែស្រស់ស្អាត ជាពិសេសចុងក្រោយនេះត្រូវបានអ្នកគាំទ្រសសើរថា សម្រស់របស់តារារូបនេះនៅតែរក្សាបានភាពក្មេងជាងវ័យ រហូតមានការសង្ស័យថាទម្រង់មុខតារាវ័យ៤១ឆ្នាំរូបនេះ អាចទើបនឹងកែបន្ថែមចំណុចខ្លះៗ ។ ជាការពិតណាស់​ គិតមកទល់ពេលនេះ កែវ ស្រីនាង មានវ័យច្រើនហើយ ហើយអ្វីដែលធ្វើឱ្យអ្នកគាំទ្រកត់សម្គាល់នោះ គឺសម្រស់របស់នាងកាន់តែស្អាត និងក្មេងជាងវ័យ ហើយបើថតរូបជាមួយកូនស្រី ដែលមានវ័យ១៧ឆ្នាំនោះ មើលស្ទើរតែមិនដឹងថាម្នាក់ណាកូន ម្នាក់ណាជាម្ដាយឡើយ ។ តួយ៉ាងថ្មីៗនេះ តារាស្រីដែលអាចសម្ដែងបានគ្រប់ទម្រង់ខាងលើ បានធ្វើឱ្យទស្សនិកជនចាប់អារម្មណ៍យ៉ាងខ្លាំង តាមរយៈរូបថត ថតជាមួយកូនស្រីរបស់នាង ដែលបច្ចុប្បន្នទើបពេញវ័យក្រមុំ។ តាមរយៈរូបថតរបស់ កែវ ស្រីនាង និងកូនស្រី ដែលកំពុងមានការចែករំលែកច្រើននៅលើបណ្ដាញសង្គមនេះផងដែរ បានបង្ហាញឱ្យឃើញថា គេទាំងពីរនាក់មានមុខមាត់ស្រដៀងគ្នា និងស្រស់ស្អាតដូចគ្នា ។ ហើយបើទោះជា ស្រីនាង មានវ័យ ៤១ ឆ្នាំ​ បើធៀបជាមួយកូនស្រីអាយុ ១៧ឆ្នាំ ឃើញថាមិនមានអ្វីខុសគ្នាឆ្ងាយឡើយ ដូច្នេះហើយទើបទស្សនិកជនលាន់មាត់ពោលសរសើថា គេទាំងពីរនាក់ម្ដាយកូនប្រៀបបានដូចជាមិត្តភក្ដិគ្នាអ៊ីចឹង ។ គួរឲ្យដឹងផងដែរថា កែវ ស្រីនាង ស្ថិតក្នុងចំណោមតារាស្រីដែលមានសំណាងព្រោះនាងមានស្វាមីជាជនបរទេសមាន ទ្រព្យស្តុកស្ដម្ភ  ។ គិតមកដល់ពេលនេះ កែវ ស្រីនាង រៀបការជិត ២០ឆ្នាំហើយនាងក៏ទទួលបានចំណងដៃកូនស្រីដ៏ស្រស់ស្អាតតែម្នាក់គត់ ។ កែវ ស្រីនាង ធ្លាប់ប្រាប់ថា​នាងមិនអាចយកកូនបន្ថែមទៀតដោយសារបញ្ហាសុខភាព៕...